స్టైలిష్ స్టార్ అల్లు అర్జున్ పవన్ అత్తారిల్లు మెగా సక్సస్ ను ఆదర్శంగా తీసుకుని తాను నటిస్తున్న లేటెస్ట్ సినిమా ‘రేసుగుర్రం’ సినిమా స్క్రిప్ట్ లో కొన్ని మార్పులు చేస్తున్నాడని ఫిలింనగర్ టాక్. ఈ సినిమాను కూడా ఫ్యామిలీ ఎంటర్ టైనర్ గా ప్రమోట్ చేయాలని బన్నీ ఆలోచిస్తున్నాడట. దీనికోసం ఈసినిమా కధలో కొద్దిగా మార్పులు చేయమని దర్శకుడు సురేంద్ర రెడ్డి బన్నీ సూచనలు చేసాడు అని అంటున్నారు. ఇప్పటికే సగం పైగా చిత్రీకరణ పూర్తి చేసిన ఈసినిమాను వచ్చే సంవత్సరం సంక్రాంతికి విడుదల చేద్దామనే ఆలోచనలో బన్నీ ఉన్నాడట.
ఈ సినిమా కోసం బైక్ రేస్ ట్రైనింగ్ కూడా తీసుకున్న అల్లుఅర్జున్ ఈసినిమాను పూర్తిగా యాక్షన్ సినిమాగా కాకుండా ఫ్యామిలీ ఎంటర్ టైనర్ గా రూపొందించడానికి ప్రధాన కారణం యాక్షన్ ప్యాక్ డ్ సినిమాగా రూపొందుతూ సంక్రాంతికి రాబోతున్న మహేష్ ‘1’ నేనొక్కడినే సినిమాతో ‘రేసుగుర్రం’ పోటీ పడుతోంది కాబట్టి ఆ పోటీలో నిలవాలి అంటే ఫ్యామిలీ ఎంటర్ టైనర్ గా రూపొందినప్పుడు మాత్రమే తన రేసుగుర్రం నిలబడుతుందని భావిస్తూ అల్లుఅర్జున్ స్క్రిప్ట్ లో ఈ మార్పులను సుచిస్తున్నాడు అని అంటున్నారు.
శ్రుతిహాసన్ గ్లామర్ తో పాటు ఎంటర్ టైన్మెంట్ పాలు కూడా ఎక్కవ ఉండేలా బన్నీ చూసుకుంటున్నాడట. ఈవిధంగా పవన్ బన్నీకి గురువులా మారి తన భవిష్యత్ సినిమాల ఎంపిక విషయంలో ఆదర్శంగా మారుతున్నాడు అనుకోవాలి. అత్తారింటి సూపర్ హిట్ ఇంకా ఎంత మంది టాప్ హీరోలు నటిస్తున్న స్క్రిప్ట్ లను మారుస్తుందో చూడాలి...
No comments:
Post a Comment