భాయ్‌ లీకేజీ!

ఏదైనా వార్తని గుప్పిట దాచి ఉంచడం కష్టం. ఓపెన్‌ చేసేయడం ఈజీ. అదే స్టార్‌హీరోల సినిమాల విషయంలో అది మరింత కష్టం. ఎందుకంటే రిలీజ్‌కు ముందే చాలా ఎగ్జయిట్‌మెంట్‌ జనాల్లో ఉంటుంది. అలాగని ఏదైనా ఓ సినిమా కథ లీకైతే అప్పటివరకూ జనాల్లో ఉన్న క్యూరియాసిటీ గాలికి కొట్టుకుపోతుంది. సినిమాపై ఆసక్తి పోతుంది. దానివల్ల సినిమాకి తీరని నష్టం జరగుతుంది. అందుకే మన దర్శకనిర్మాతలు ప్రచారం విషయంలో చాలా జాగ్రత్తగా ఉంటారు. అయితే ‘భాయ్‌’ చిత్రాన్ని ఇటీవల ఓవర్‌సీస్‌ పంపిణీదారుల కోసం ప్రివ్యూ వేశారు. ఈ సినిమా చూసిన సదరు వ్యాపారులు ఉత్సాహం తట్టుకోలేక కథని లీక్‌ చేసేశారు. దాంతో వెబ్‌మీడియాలో ‘భాయ్‌’ కథపై కథనాలు వచ్చేశాయి. సింగిల్‌ లైన్‌లో చెప్పాల్సిన కథని సినిమా రీళ్లన్నీ చెప్పేసి పెద్ద తప్పిదం చేశారు సదరు పంపిణీదారులు. ఈ విషయంలో నాగ్‌ చాలా సీరియస్‌ అయ్యారని సమాచారం.