పార్టీలో నయనతార ఉత్సాహంగా....(ఫోటోలు)

నయనతార-ఆర్య జంటగా నటించిన తమిళ చిత్రం ‘రాజా రాణి' చిత్రం సక్సెస్ కావడంతో నయనతార, ఇరత యూనిట్ సభ్యులంతా కలిసి సంతోషంగా సక్సెస్ పార్టీ చేసుకున్నారు. చాలా కాలం తర్వాత తాను తమిళంలో నటించిన తొలి సినిమా విజయవంతం కావడంతో నయనతార ఎంతో ఉత్సాహంగా కనిపించింది. ఈ కార్యక్రమానికి నయనతార చిట్టిపొట్టి డ్రెస్సులో సెక్సీలుక్‌లో దర్శనం ఇచ్చింది. ఈ సందర్భంగా నయనతారతో కేక్ కట్ చేయించి సక్సెస్ పార్టీ ప్రారంభించారు. జీవా, శింబు, జయం రవి, ఆయన వైప్ ఆరతి, శ్యామ్, శంతను, ఉదయనిధి స్టాలిన్, శ్రీకాంత్ స్వరూప్ రెడ్డి, నిర్మాతలు సివి కుమార్, జ్ఞానవేల్ రాజా, లిసీ ప్రియదర్శన్ తదితరులు రావడంతో పార్టీ కలర్ ఫుల్‌గా మారింది. దర్శకుడు కార్తికా ఉదయనిధి, రమ్యా క్రిష్ణన్, కార్తీక, ఆండ్రియా, సోనియా అగర్వాల్ తదితరులు ‘రాజా రాణి' సినిమా యూనిట్ సభ్యులను అభినందించారు. చిత్ర దర్శకుడు అట్లీ కుమార్, సంగీత దర్శకుడు జి.వి.ప్రకాష్ కుమార్, డైరెక్టర్ ఆప్ ఫోటోగ్రఫీ జార్జ్ సి విలియమ్స్, ఎడిటర్ రేబెన్, నిర్మాతలు ఏఆర్ మురుగదాస్, షన్ముగ సుందరమ్ తదితరులు సక్సెస్ పార్టీని ఎంతో ఆనందంగా ఆస్వాదించారు. చిత్రానికి పని చేసిన టెక్నీషియన్స్‌కు గోల్డ్ చైన్ బహుమతిగా ఇచ్చారు.

నేడు అమితాబ్ బర్త్‌డే...వచ్చే ఏడాదితో 102 ఏళ్లు!

ముంబై: హిందీ సినీ పరిశ్రమ ఐకాన్, బాలీవుడ్ సూపర్ స్టార్ అమితాబ్ బచ్చన్ నేడు 71వ పుట్టినరోజు జరుపుకుంటున్నారు. మరి ఆయన వచ్చే ఏడాది 102 ఏళ్ల వయసుకు ఎలా చేరుకుంటారు? అనే విషయం తెలుసుకోవాలంటే స్టోరీ తప్పకుండా చదవాల్సిందే. ఉమేష్ శుక్లా దర్శకత్వంలో వచ్చే సినిమాలో అమితాబ్ 102 ఏళ్ల వృద్ధుడిగా నటించబోతున్నారు. ఈ చిత్రాన్ని భానుషన్ కుమార్ నిర్మిస్తున్నారు. ఫన్నీగా, ఎమోషనల్‌గా సాగే ఈచిత్రానికి ‘102 నాటౌట్' అనే టైటిల్ ఖరారు చేసారు. మరో 17 ఏళ్లు జీవించి ఎక్కువ కాలం జీవించిన వరల్డ్ రికార్డు స్థాధించాల లక్ష్యంతో ఉండే వ్యక్తి కథే ఈ సినిమా. ఎక్కువ కాలం జీవించాలంటే ఏం చేయాలి అనే అంశాన్ని అందరికీ ఓ పాఠంలా నవ్విస్తూ చెప్పే కథ ఇది. ఇందులో పరేష్ రావల్ 72 ఏళ్ల వయసున్న వ్యక్తిగా అమితాబ్ కొడుకు పాత్రలో నటించబోతున్నాడు. ఇప్పటికే ఎన్నో రకాల పాత్రలకు ప్రాణం పోసిన అమితాబ్ ఈ పాత్రలోనూ అందరినీ మెప్పించడం ఖాయమని దర్శక, నిర్మాతలు నమ్ముతున్నారు. ఆ సంగతి పక్కన పెడితే....తన పుట్టినరోజును పురస్కరించుకుని నిర్వహించే సేవా కార్యక్రమాల్లో 3000 పేద కుటుంబాలకు సోలార్ పరికరాలను సమకూర్చాలని అమితాబ్ బచ్చన్ నిర్ణయించుకున్నారు. ఈ మేరకు త్వరలో అందకు సంబంధించిన పరికరాలను ఎంపిక చేసిన వారికి పంపిణీ చేయనున్నారు.

విద్యుత్త్ ఉద్యోగుల సమ్మె విరమణ

సమైఖ్యాంధ్ర కోసం విద్యుత్త్ ఉద్యోగులు చేపట్టిన మెరుపు సమ్మె ముఖ్య మంత్రి చర్చల తరువాత ఈరోజు వాయిదా పడింది. వీరి సమ్మె కారణంగా సీమాంధ్ర లోని ప్రజలు గత కొద్ది రోజులగా ఇబ్బంది పడుతూ నరకాన్ని చవిచుశారు. తుఫాన్ కారణం గా సీమంధ్ర లో మరియు రాష్ట్ర వ్యాప్తం గా పలు ప్రాంతాలలో తలేత్తనున్న పరిస్థితుల దృష్ట్యా తాత్కాలికంగా సమ్మె విరమించు కుంటున్నట్లు విద్యుత్త్ ఉద్యోగ జె.ఎ.సి అద్యక్షుడు సాయిబాబు తెలియ జేశారు. రాష్ట్ర విభజనపై కేంద్రం ముందుకు వెళితే మళ్ళి సమ్మె చేస్తామని వారు తెలియచేస్తున్నారు. ఇప్పటినుండి విద్యుత్త్ ఉద్యోగులు విధులకు హాజరైన కూడా వి.టి.పి.యెస్ లో మరమ్మత్తులు చేపట్టిన కూడా కోస్తాంధ్ర లో ని పలు ప్రాంతాలకు విద్యుత్త్ సరఫరా పూర్తి స్థాయి లో కావటానికి 48గంటల సమయం పడుతుందని అధికారులు చెపుతున్నారు

శ్రీహరి పారితోషికం రికార్డు!

శ్రీహరి హీరోగా మారిన తర్వాత కొన్ని రకాల క్యారెక్టర్లు పోషించడానికి తెలుగులో ఆ తరహా నటులు కరవయ్యారు. దాంతో ఆయన చేత తమ తమ సినిమాలలో క్యారెక్టర్లు వేయించాలని చాలామంది ప్రయత్నించారు. ఆ క్రమంలో ఆయన అడిగినంతా ఇవ్వడానికి కూడా నిర్మాతలు రెడీ అయ్యారు. అయితే, డబ్బు కోసం కాకుండా తనలోని నటుడిని సంతృప్తి పరచుకోవడం కోసం ఓపక్క కథానాయకుడుగా నటిస్తూనే ... మరోపక్క సెలెక్టివ్ గా క్యారెక్టర్లు చేయడానికి కూడా శ్రీహరి అంగీకరించాడు. అలా ఆయన 'నువ్వొస్తానంటే నేనొద్దంటానా', 'మగధీర', 'ఢీ' వంటి సినిమాలలో కీలకమైన పాత్రలు పోషించాడు. అత్యధికమైన పారితోషికం తీసుకున్న టాలీవుడ్ క్యారెక్టర్ నటుడిగా కూడా ఆయన పేరు తెచ్చుకున్నాడు. రోజుకి ఆయన 10 లక్షల చొప్పున పారితోషికం తీసుకున్న దాఖలాలు కూడా వున్నాయి.

చెట్టాపట్టాలేసుకున్నారు!

హీరోహీరోయిన్లు సినిమాల్లోకంటే బయట చెట్టాపట్టాలేసుకుని తిరిగితే..పెద్ద చిక్కే.. ఎంత ఫ్రెండ్‌ అని చెప్పినా.. వారిద్దరి మధ్య ఏదో ఉందనే వార్తలు వస్తూనేంటాయి. కానీ అవే నిజంచేస్తూన్న సంఘటనలు కొంతమందిలో కన్పిస్తుంది. సమంత, సిద్దార్థల సంగతి తెలియది కాదు. వీరిద్దరు ప్రేమజంటగా పేరుపొందేశారు. అప్పట్లో శ్రీకాళహస్తిలో పూజలు కూడా చేయించుకున్నారు. ఆ తర్వాత ఇరు కుటుంబాలమధ్య మంచి సంబంధాలూ ఉన్నాయి. ప్రస్తుతం వీరిద్దరూ ఫుడ్‌ఫర్‌ చేంజ్‌ అనే సేవా కార్యక్రమానికి కలిసి పనిచేస్తున్నారు. ఇప్పటికే సమంత.... నచ్చినవారితో మాట్లాడకపోతే ఏదోగా ఉంటుందని ట్విట్టర్‌లో పోస్ట్‌కూడా చేసింది. అది సిద్దార్త్‌ గురించే అన్న విషయం తెలిసిందే.. ఇప్పుడు వీరిద్దరు సామాజిక సేవలో భాగంగా... కొద్దికాలం కలిసి బయట తిరుగుతారు. ఏదో ఒక పేరుతో బయటకు రావడం అనేది లాజిక్కుగా కన్పిస్తుంది సిద్దార్థ్‌ సన్నిహితులే వ్యాఖ్యానించడం విశేషం.

వర్మ పబ్లిసిటీ స్టంట్!

దర్శకుడు రామ్‌గోపాల్‌వర్మ.. తనకు నచ్చినట్లు సినిమాలు తీస్తుంటాను... చూసేవాళ్లు చూస్తారంటూ... స్టేట్‌మెంట్‌ ఇచ్చేవాడు. తర్వాత మళ్ళీ మామూలే... తాజాగా ఆయన సత్య`2 చిత్రాన్ని తీశాడు. ఇది అండర్‌వరల్డ్‌ నేపథ్యంలోనిదే... ఇకపై ఇలాంటి సినిమాల జోలికి వెళ్ళనని స్టేట్‌మెంట్‌ ఇస్తున్నాడు. అంటే.... ఇదేమైనా.... పబ్లిసిటీస్టంటా?అనే అనుమానం ఫిలింనగర్‌లో విన్పిస్తోంది. ఈ చిత్రంపై ఏ డిస్ట్రిబ్యూటర్‌ ఆసక్తిచూకపోవడం ప్రధానకారణం. వర్మ గతంలో సర్కార్‌, కంపెనీ సత్య వంటి చిత్రాలు తీశాడు. రక్తచరిత్ర తీశాడు. ఏ సినిమా తీసినా ఫార్మెట్‌ ఒక్కటే... సత్య`2లోకూడా అదే ఫార్మెట్‌ .. ఆర్టిస్టులు వేరు... ఈ సినిమా ఆడియో తర్వాత ఏమంత ఇంట్రస్ట్‌ ఇండస్ట్రీలోలేకపోయింది. ఈ చిత్రం తర్వాత మార్షల్‌ ఆర్ట్స్‌ నేపథ్యంలో సినిమా చేస్తానని ప్రకటించాడు.

శ్రీహరి ఏడ్చేస్తారు, నాకు సంతోషం లేదు: రాజమౌళి

హైదరాబాద్: దర్శకుడు రాజమౌళి ఈ రోజు 40వ వసంతంలో అడుగు పెడుతున్న సంగతి తెలిసిందే. అయితే ఈ సారి ఆయన పుట్టిరోజున సంతోషంగా లేరు. కారణం ప్రముఖ నటుడు శ్రీహరి మరణించడమే. తనకు పుట్టిన రోజు శుభాకాంక్షలు తెలిపిన వారికి కృతజ్ఞత తెలిపిన రాజమౌళి తాను సంతోషంగా లేనని వ్యాఖ్యానించారు. మగధీర చిత్రంలో శ్రీహరి ఎంతో గొప్పగా నటించారు. ఆయన ఇక లేరనే విషయం తెలుసుకుని షాకయ్యాను. ఆయన చాలా సున్నిత మనస్కులు. ఏదైనా సింపుల్ సెంటిమెంటు సీన్ చెప్పినా వెంటనే ఆయన కళ్ల వెంట నీళ్లు వస్తాయి. ఆయన దగ్గర నుంచి ఎన్నో నేర్చుకున్నానను. ఆయన లేని లోటు తెలుగు సినీ పరిశ్రమకు తీర్చలేనిది అని రాజమౌళి చెప్పుకొచ్చారు.

అంతాటా అప్రమత్తం

బంగాళాఖాతంలో ఏర్పడిన ఫైలిన్ తుఫాను మరింత బలపడింది. ఇది తీవ్రరూపం దాల్చి పెను తుఫానుగా మారే అవకాశం ఉన్న నేపథ్యంలో వాతావరణ శాఖ అధికారులు హెచ్చరికలు జారీ చేశారు. తీర ప్రాంత ప్రజలు అప్రమత్తంగా ఉండాలని, ఎవరు చేపల వేటకు వెళ్లవద్దని సూచించారు. అన్ని ఓడ రేవుల్లో రెండో ప్రమాద హెచ్చరికలు జారీ చేశారు. విశాఖపట్నం, గంగవరం, కాకినాడ పోర్డులలో మూడో ప్రమాద హెచ్చరిక జారీ చేశారు. ఫైలిన్ తుఫాను నేపథ్యంలో తీర ప్రాంత జిల్లాల కలెక్టర్లను, యంత్రాంగాన్ని అప్రమత్తం చేశారు. ప్రాణ, ఆస్తి నష్టం జరగకుండా ఇప్పటికే తీర ప్రాంతాలకు చేరుకున్న డిసాస్టర్ మేనేజ్‌మంట్ బృందాలు చర్యలు తీసుకుంటున్నాయి.

 ఫైలిన్ ఇప్పటికే తీవ్ర తుఫానుగా మారినట్లు వాతవారణ శాఖ అధికారులు చెప్పారు. ఒడిస్సాలోని గోపాల్‌పూర్ వద్ద ఈ నెల 12వ రాత్రి మరింత తీవ్ర తుఫాను తీరం దాటనుంది. రాగల 24 గంటల్లో తీవ్ర తుఫాను రానుందని తెలిపారు. ఫైలిన్ కారణంగా విజయనగరం జిల్లా వ్యాప్తంగా వర్షాలు కురుస్తున్నాయి. ఈ కారణంగా అత్యవసర సేవ విభాగం ఉద్యోగులు హాజరయ్యారు. ఉద్యోగులు సమైక్యాంధ్ర కోసం సమ్మె చేస్తున్న విషయం తెలిసిందే. మత్స్యకారుల గ్రామాలతో విజయనగరం జిల్లా కలెక్టర్ కాంతిలాల్ దండే అత్యవసర సమావేశం ఏర్పాటు చేశారు. 25 మత్స్యకార గ్రామాల్లో సహాయక చర్యలు కొనసాగుతున్నాయి. ఫైలిన్ ప్రభావం ఒడిశాలోని పది జిల్లాలతో పాటు ఎపిలోని ఉత్తరాంధ్ర, కోస్తా జిల్లాలపై ప్రభావం పడుతుంది. ఉత్తరాంధ్ర, ఉభయ గోదావరి జిల్లాలలో అధికార యంత్రాంగాన్ని అప్రమత్తం చేశారు. తుఫాన్ కారణంగా గంటకు 170 నుండి 200 కిలోమీటర్ల వేగంతో గాలులు వీస్తాయి. పారాదీప్‌కు ఆగ్నేయ ప్రాంతంలో 820 కిలోమీటర్ల దూరంలో, కళింగపట్నానికి తూర్పు ఆగ్నేయ ప్రాంతంలో 870 కిలోమీటర్ల దూరంలో, విశాఖ తూర్పు ఆగ్నేయ ప్రాంతంలో 900 కిలోమీటర్ల దూరంలో తుఫాను కేంద్రీకృతమై ఉంది. మత్స్యకారులు వేటకు వెళ్లవద్దని పశ్చిమ గోదావరి జిల్లా కలెక్టర్ సూచించారు. కేంద్ర బలగాల సహకారం కోరినట్లు చెప్పారు.