నితిన్ లక్కీ స్టోరి !

ప్రస్తుతం పూరి జగన్నాద్ తో కలిసి టాలీవుడ్ ప్రేక్షకులకు ‘హార్ట్ ఎటాక్’ తెప్పించబోతున్న యంగ్ హీరో నితిన్ కు పవన్ నామస్మరణ బాగా కలిసి వస్తోంది. నితిన్ ప‌వ‌న్‌కి వీరాభిమాని అనే సంగ‌తి తెలిసిందే. ప‌వ‌న్‌ని త‌న ‘ఇష్క్’ సినిమా ఆడియో వేడుక‌కు పిలిపించి అప్పటి దాకా నితిన్ ను పీడిస్తున్న పరాజయాలకు అడ్డుకట్ట వేసాడు. ఆ సినిమా సూపర్ హిట్ కావడంతో పవన్ నామజపం తనకు బాగా కలిసివస్తోంది అని గ్రహించి తన ‘గుండెజారి గ‌ల్లంత‌య్యిందే’ లో ప‌వ‌న్ పాట‌ను రీమిక్స్ చేశాడు.

 అది కూడా హిట్ అవ్వడంతో ‘కొరియర్ బాయ్ కళ్యాణ్’ అంటూ వస్తున్నాడు. ఇది సరిపోదు అన్నట్లు ఇప్పుడు ప‌వ‌న్ వ‌ల్ల కోట్లు సంపాదించాడు. అత్తారింటికి దారేది సినిమా నైజాం రైట్స్ నితిన్ తండ్రి సుధాక‌ర్‌రెడ్డి తీసుకున్నాడు అన్న విషయం అందరికి తెలిసిందే. ఈ సినిమాని నైజాం రైట్స్ ఫ్యాన్సీ రేటుకి దిల్ రాజ్ తో పోటీపడి దక్కించుకున్నాడు నితిన్. ప్రస్తుతం ఈ సినిమా నైజాంలో దుమ్ము రేపుతోంది. మొదటి వారంలోనే రికార్డు కలెక్షన్స్ రావడంతో ‘అత్తారింటికి దారేది’ వ‌ల్ల నితిన్‌ కు దాదాపు. రూ.4 కోట్లు మిగిలే అవ‌కాశం ఉంది అని అంటున్నారు మన టాలీవుడ్ విశ్లేషకులు. పవన్ నామజపంతో భవిష్యత్తులో నితిన్ ఇంకా ఎన్ని కిక్ ఇచ్చే లక్ లను అందుకుంటాడో చూడాలి...

నేటి నుంచి 8 గంటల విద్యుత్ కోత!

సాక్షి, విజయవాడ : సమైక్యాంధ్ర ఉద్యమం తీవ్రరూపం దాల్చింది. ఉద్యోగులు, సిబ్బంది సమ్మె ఫలితంగా ఎన్టీటీపీఎస్‌లో 1760 మెగావాట్ల విద్యుత్ ఉత్పత్తి నిలిచిపోయింది. రాయలసీమ థర్మల్ పవర్, సీలేరు, శ్రీశైలం జల విద్యుత్ కేంద్రాల్లోనూ ఉత్పత్తి స్తంభిం చింది. విద్యుత్ ఉద్యోగులు కూడా సమ్మెబాట పట్టారు. సబ్‌స్టేషన్లకు వస్తున్న విద్యుత్‌ను నిలిపివేస్తున్నారు. ఫలితంగా విద్యుత్ సరఫరాకు అంతరాయం ఏర్పడింది. దీంతో జిల్లా ప్రజలు ఉక్కిరి బిక్కిరి అవుతున్నారు.

 విద్యుత్ కోత వేళలు ఇవీ... జిల్లా వ్యాప్తంగా మంగళవారం 8 గంటల పాటు విద్యుత్ కోతలు విధించాలని విద్యుత్ జేఏసీ నేతలు నిర్ణయించారు. ఉదయం 8 నుంచి మధ్యాహ్నం 12, ఒంటి గంట నుంచి సాయంత్రం 5 గంటల వరకూ అన్ని గ్రామాలు, పట్టణాలతోపాటు విజయవాడలోనూ కోత అమలులో ఉంటుంది. ఈ కోతలను నిరవధిక సమ్మె ఆపే వరకు కొనసాగిం చాలని జేఏసీ నేతలు భావిస్తున్నారు. విజయవాడలో సోమవారం ఆరు గంటల కోత విధించడంతో రిజర్వాయర్లకు నీరు అందక మంచినీటి సరఫరా నిలిచిపోయింది. ఈ విషయాన్ని మునిసిపల్ కమిషనర్ జి.పండాదాస్ దృష్టికి విద్యుత్ కోతలు తొలగేవరకూ సాయంత్రం నీటి సరఫరా నిలిపివేయాలని అధికాలను ఆదేశించారు. విద్యుత్‌కోతల వల్ల నగరంలోని చిన్న ఆస్పత్రుల్లో రోగులను చేర్చుకోవడంలేదని తెలిసింది. కార్పొరేట్ ఆస్పత్రుల నిర్వాహకులు జనరేటర్ల సంఖ్యను పెంచుకున్నారు.

 కోతల కారణంగా ఆక్సిజన్ కొరత కూడా ఏర్పడిందని వైద్యులు తెలిపారు. వేసవిలో విద్యుత్ కోతలతో తీవ్ర నష్టాలను చవిచూసిన పరిశ్రమలు తిరిగి సంక్షోభంలోకి చేరుతున్నాయి. ఆటోనగర్‌లో సోమవారం ఉదయం నుంచి సాయంత్రం వరకు విద్యుత్ సరఫరా నిలిచిపోయింది. మంగళవారం జిల్లా వ్యాప్తంగా విద్యుత్ ఉండదు. దీంతో జిల్లా వ్యాప్తంగా 5 వేల పరిశ్రమలు పడే అవకాశం ఉంది. 65 రోజులుగా బంద్‌లతో అంతంత మాత్రంగా సాగుతున్న వ్యాపారాలపైనా విద్యుత్‌కోతల ప్రభావం పడనుంది. కోతలు కారణంగా ఏటీఎంలు, బ్యాంకులు సరిగా పనిచేయడం లేదని వినియోగదారులు ఆరోపిస్తున్నారు. అనేక ఏటీఎంల వద్ద ‘అవుటాఫ్ ఆర్డర్’ బోర్డులు దర్శనమిస్తున్నాయి. విద్యుత్ తగి నంత అందుబాటులో లేకపోవడంతో డీజిల్ ఇంజిన్లతో రైళ్లను నడుపుతున్నారు. దీంతో మూడు నాలుగు గంటలు ఆలస్యంగా రైళ్లు నడుస్తున్నాయి. ప్రశాంతి, రత్నాచల్, తిరుపతి తదితర రైళ్లు మూడు నుంచి నాలుగు గంటలు ఆలస్యంగా నడిచాయి. మంగళవారం కూడా అనేక రైళ్లు ఆలస్యంగా నడిచే అవకాశం ఉంది.

 దుర్గగుడి, ప్రభుత్వాస్పత్రికి విద్యుత్ కోతల నుంచి మినహాయింపు దసరా ఉత్సవాలు జరుగుతున్నందున దుర్గగుడికి, అత్యవసర సేవలు అందించే ప్రభుత్వ ఆస్పత్రి, హెడ్‌వాటర్ వర్క్స్, మిల్క్‌ప్రాజెక్టు తదితర సంస్థలకు విద్యుత్ కోతల నుంచి మినహాయింపు ఇచ్చారు. జిల్లాలో విద్యుత్‌శాఖలో 2000 మంది కాంట్రాక్టు సిబ్బంది పని చేస్తున్నారు. వీరంతా సబ్‌స్టేషన్లు వద్ద ఆపరేటర్లుగా, కంప్యూటర్ విభాగం, సాఫ్ట్ బిల్లింగ్ విభాగాల్లో పనిచేస్తున్నారు. ప్రస్తుతం రెగ్యులర్ ఉద్యోగస్తులతో పాటు వీరు కూడా సమ్మె బాట పట్టడంతో ఇబ్బందులు మరింత పెరిగాయని అధికారులు చెబుతున్నారు.

భయంతో చేస్తున్నందునే విజయాలు సాధిస్తున్నా - మారుతి

"ఇండస్ట్రీని ఏడేళ్ల పాటు దగ్గరగా చూశా కాబట్టి ఏ పనిని ఎలా చేయకూడదో తెలుసుకున్నాను. కాబట్టే జాగ్రత్తతో, భయంతో సినిమాలు చేస్తున్నా. దాని వల్లే నాకు విజయాలు లభిస్తున్నాయి'' అని చెప్పారు దర్శకుడు మారుతి. స్వల్ప కాలంలో ఇటు దర్శకునిగా, అటు నిర్మాతగా వరుస విజయాలు సాధిస్తూ వస్తున్న ఆయన ప్రస్తుతం అల్లు శిరీశ్, రెజీనా కసాండ్రా నాయకా నాయికలుగా 'కొత్త జంట' చిత్రాన్ని రూపొందిస్తున్నారు. మంగళవారం పుట్టినరోజు జరుపుకుంటున్న సందర్భంగా ఆ సినిమా సెట్స్‌పై పత్రికలవారితో సంభాషించారు మారుతి. ఆ విశేషాలేమిటో ఆయన మాటల్లోనే... ప్రతి ఒక్కరూ ఎలాంటి జీవితం, గుర్తింపు రావాలని కోరుకుంటారో అలాంటి జీవితం, పేరు నాకు చాలా స్వల్ప వ్యవధిలోనే వచ్చాయి. వాటిని నిలబెట్టుకునేందుకు కృషి చేస్తాను. రెండేళ్ల క్రితం నాటి నా జీవితానికీ, ఇప్పటి నా జీవితానికీ పోలికే లేదు. అదివరకు బొమ్మలు వేసుకుంటూ, యానిమేటర్‌గా పనిచేసుకుంటూ ఉండే నేను ఇవాళ వంద మందికి ఉద్యోగాలు కల్పించే స్థాయికి ఎదిగాను. ఇది నా శ్రమకు దక్కిన ఫలితమే కాక, దేవుడిచ్చిన కానుక అని కూడా అనుకుంటాను. అందువల్ల ఈ పుట్టినరోజుకు చాలా సంతోషంగా ఉన్నా. భయంతో చేస్తున్నా జీవితం అంటే క్లారిటీ ఉన్నవాణ్ణి. ఇక్కడ విజయాలు శాశ్వతం కాదని నాకు తెలుసు. ఏ మాత్రం బద్దకించినా పరాజయం వెన్నంటి ఉంటుంది. చాలామంది మహానుభావులకూ ఇది అనుభవమే. ఇప్పటివరకూ ప్రేక్షకులు మెచ్చే మంచి సినిమాలే తీస్తూ వచ్చాను.

నేను ఏ డైరెక్టర్ వద్దా పనిచేయక పోయినా నాకు నచ్చినట్లు పనిచేశాను. అది ప్రేక్షకులకు కనెక్టవుతూ వచ్చింది. తపన ఉంటేనే తియ్యాలి వారానికి ఎనిమిది, తొమ్మిది సినిమాలు రిలీజవుతున్నాయి. వాటిలో చాలావరకు నష్టపోతున్నాయి. డబ్బులు ఉన్నాయనో, ఆడుతున్న వేరే సినిమాలను చూసో సినిమాలు తియ్యకూడదు. సినిమాల మీద తపన ఉన్నప్పుడే, కమిట్‌మెంట్ ఉన్నప్పుడే తీయాలి. మన అభిరుచి కంటే ప్రేక్షకుల అభిరుచికి ప్రాధాన్యం ఇవ్వాలి. అప్పుడే విజయాలు లభిస్తాయి. ప్రేక్షకుల అభిరుచులు ఎప్పటికప్పుడు మారుతున్నాయి. నేను నా మొదటి రెండు సినిమాల్ని.. 'ఈ రోజుల్లో', 'బస్‌స్టాప్'ను ఓ తరహాలో తీశాను. తర్వాత బాణీ మార్చి 'ప్రేమ కథా చిత్రమ్' చేశాను. ఇప్పుడు 'కొత్త జంట'ను ఇంకో తరహాలో తీస్తున్నా. ప్రతి సినిమాకీ ఏదో కొత్తదనం ఇవ్వాలని తపిస్తుంటా. మారుతి ముద్ర 'మారుతి ముద్ర' అనే పేరు రావడం సంతోషకరమే కదా. 'ఈ రోజుల్లో'కు కొనసాగింపుగా 'బస్‌స్టాప్' తీశాను. నేటి యువత ఎలా ఉంటున్నారో వాటిలో చూపించాను. మేం నిర్మించిన 'రొమాన్స్' వాటికి కొనసాగింపుగా ఉండటంతో నా మీద వేరే రకమైన ముద్ర పడింది. అయితే ఇప్పుడు నేను చేస్తున్న 'కొత్త జంట' చాలా క్లీన్ ఫిల్మ్. ధూమపానం, మద్యపానానికి సంబంధించిన చిన్న సన్నివేశమే కాదు, కనీసం వాటికి సంబంధించిన ప్రకటనలు కూడా సినిమాలో కనిపించవు.

 కానీ ఫుల్ ఎంటర్‌టైనర్‌గా ఉంటుంది. ఇద్దరు స్వార్థపరులు ప్రేమించుకుంటే ఎలా ఉంటుందనేది ఈ సినిమా. ఆగస్ట్ 2న షూటింగ్ ప్రారంభించాం. గీతా ఆర్ట్స్ కాబట్టి నిర్మాణ విలువల గురించి నేను ప్రత్యేకంగా చెప్పాల్సిన పనిలేదు. ఇక్కడ ఎవరం మొనగాళ్లం కాదు. మనలో ప్లస్‌లతో పాటు మైనస్‌లూ ఉంటాయి. అల్లు శిరీశ్‌ని చాలా కాలంగా తెలిసినవాణ్ణి కాబట్టి అతని ప్లస్‌లూ, మైనస్‌లూ నాకు తెలుసు. అతని ప్లస్‌లను ఉపయోగించుకుంటూ ఈ సినిమా చేస్తున్నా. తదుపరి చిత్రాలు డి.వి.వి. దానయ్య, బన్నీ వాసు, బెల్లంకొండ సురేశ్, డి.వి.వి. దానయ్య, 'జులాయి' నిర్మాత రాధాకృష్ణ, దిల్ రాజు బేనర్‌లలో చేసేందుకు ఒప్పుకున్నా. అడ్వాన్సులు కూడా తీసుకున్నా. వీటితో పాటు మా గుడ్‌సినిమా గ్రూప్‌కీ ఓ సినిమా చేయాల్సి ఉంది. 'ప్రేమ కథా చిత్రమ్'ను బాలీవుడ్‌లో డైరెక్ట్ చేయమని అడుగుతున్నారు. జి. ఆదిశేషగిరిరావు, యుటీవీ బేనర్ సంయుక్తంగా ఆ సినిమా నిర్మించేందుకు సన్నాహాలు చేస్తున్నాయి. వీటి తో పాటు నా నిర్మాణ భాగస్వామ్యంలో 'లవ్ యు బంగా రం', 'గ్రీన్‌సిగ్నల్', 'లవర్స్' సినిమాలు రాబోతున్నాయి.

మంచు విష్ణు ను అవమాన పరిచిన టాప్ డైరెక్టర్..

మోహన్ బాబు కుమారుడు మంచు విష్ణు ను ఓ టాప్ డైరెక్టర్ అవమాన పరిచాడు. ఈ మాటలు చెప్పింది స్వయానా మంచు విష్ణు యే. ఓసారి విష్ణు కృష్ణ వంశీ దగ్గరకు వెళ్ళి ‘నాతో యాక్షన్ సినిమా చేస్తారా?' అని అడిగాడట.. ‘నీతో యాక్షనా? కామెడీ సినిమా చేస్తా' అని సెటైర్లు వేసాడట కృష్ణవంశీ. దీనికి కారణం ఆ రోజులలో బొద్దుగా ఉండే విష్ణు బాడీ అట. ఆతరువాత బాగా సన్నబడి, మూడు నెలల తర్వాత విష్ణు ఆయన ముందుకెళితే, గుర్తు పట్టలేకపోయాడట. ఈవిధంగా తను సన్నబడటానికి కారణం కృష్ణ వంశీ అంటూ చెప్పుకొచ్చాడు మంచు విష్ణు. అలాగే ఆపరేషన్ చేయించుకుని లావు తగ్గాను అన్న టాక్ ని ఖండిస్తూ ఆపరేషన్ చేయించుకుంటే ఎవరూ ఒళ్ళు తగ్గరనీ ఒక నెల పూర్తిగా డైటింగ్ చేస్తే ఒళ్ళు తగ్గిపోతుందనీ విష్ణు చెప్పాడు.

అంతేకాదు విష్ణు ఒళ్ళు తగ్గిపోవడం చూసి మోహన్ బాబు కంట తడి పెట్టుకుని తన కెరియర్ తొలినాళ్ళలో డబ్బు లేక సరైనవి తినక సన్నగా ఉండే వాడినని కానీ అన్నీ ఉన్న నీకు ఈకర్మ ఏమిటి అని మోహన్ బాబు విష్ణును ప్రశ్నించేవాడనీ విష్ణు నిన్న ఒక ప్రముఖ పత్రికకు ఇచ్చిన ఇంటర్వ్యూలో ఇలాంటి అనేక ఆ శక్తికర విషయాలు చెప్పాడు. ఈ రోజు తన ఫిజిక్ బాగుంటుందని చాలామంది అంటున్నారు అంటే దానికి కారణం దర్శకుడు కృష్ణవంశీ అంటూ, ఇప్పుడు కృష్ణవంశీతో చేసే అవకాశం వస్తే తప్పకుండా చేస్తాను అని అంటున్నాడు మన మంచు విష్ణు. తను నిర్మించీ హీరోగా నటించిన ‘దూసుకెళత’ సినిమా సమైఖ్యంద్ర ఉద్యమం వలన అక్టోబర్ 17 వ తేదీకి వాయిదా వేస్తున్నట్లు విష్ణు తెలిపాడు. తన కెరియర్ లోనే అత్యంత భారీ స్థాయి ధియేటర్లలో విడుదల కాబోతున్న ఈ సినిమా ‘దేనికైనా రెడీ' కంటే ఎక్కువగా నవ్విస్తుంది అని అంటున్నాడు విష్ణు. ఎదిఎమైనా బొద్దుగా ఉండే విష్ణును సన్నటి విష్ణుగా మార్చిన క్రెడిట్ కృష్ణవంశీకి దక్కుతుంది అనుకోవాలి..

స్టార్ హిరో తో బీరు తాగించిన కన్న తండ్రి..!!

సుడిగాడు అల్లరి నరేష్ ఈరోజు ఒక ప్రముఖ పత్రికలో తన చిన్న తనం రోజులను గుర్తుకు చేసుకున్నాడు. అల్లరి నరేష్ తండ్రి ఈవివి సత్యనారాయణ కు చిన్న తనం నుండి నరేష్ కన్నా తన అన్న రాజేష్ ను బాగా ప్రేమగా చుసుకునేవాడట. తను చిన్నతనంలో బక్కగా పొడుగుగా ఉండే వాడిననీ గుర్తుకు చేసుకుంటూ తను బ్రతిమాలగా బ్రతిమాలగా తనను తన తండ్రి సత్యనారాయణ తన అన్న రాజేష్ తో కలిపి 1994 లో ఈవివి దర్శకత్వం వహిస్తున్న ‘ఆయనకిద్దరు’ సినిమా షూటింగ్ కోసం ఇండోనేషియాకు వెళ్ళడానికి తన తండ్రితో కలిసి మొట్టమొదటిసారి ఇంటర్ నేషనల్ ఫ్లైట్ ఎక్కాననీ గుర్తుకు చేసుకున్నాడు.


 ఆ ఫ్లైట్ టేక్ ఆఫ్ అయినతరువాత ఎయిర్ హోస్టెస్ తన ట్రేలో కొన్ని టిన్స్ పట్టుకుని తిరగడం చూశానని ఆ టిన్స్ తనకు కావాలని తన తండ్రి దగ్గర గొడవ పెడితే కూల్ డ్రింక్స్ టిన్స్ ఇచ్చాడనీ అయితే ఎయిర్ హోస్టెస్ దగ్గర ఉన్న తిన్సే కావలాని తను పంతం పట్టడంతో తన తల్లి వద్దంటున్నా తన తండ్రి నవ్వుకుంటూ తనగోల భరించలేక రెండు టిన్స్ తీసుకు వచ్చి ఇచ్చిన తరువాత వాటిని తాగి ఈ డ్రింక్స్ ఏమిటి ఇంత చేదుగా ఉన్నాయని అని అన్నాడట మన అల్లరోడు.

సీఎంగా కిరణ్ స్థానంలో జైపాల్ రెడ్డి?

కేంద్రమంత్రి జైపాల్ రెడ్డి ఇప్పుడు సీమాంధ్ర ప్రజలను చల్లార్చే పనిలో పడ్డాడు. రాష్ట్ర విభజన తెలంగాణ ప్రజల విజయమూ కాదు, సీమాంధ్ర ప్రజల ఓటమీకాదు అని ఈయన అంటున్నాడు. వరసగా రెండు మూడు రోజుల నుంచి హైదరాబాద్ లోనే మకాం వేసి జైపాల్ రెడ్డి.. సీమాంధ్రుల ఆవేశాన్ని చల్లార్చడానికి హిత వచనాలను అందుకొన్నాడు. తొలి రోజు తాను బతికున్నంత వరకూ సీమాంధ్రులకు అన్యాయం జరగనివ్వనని అన్న జైపాల్ రెడ్డి.. రెండో రోజు హైదరాబాద్ నిర్మాణంలో సీమాంధ్రుల పాత్ర కాదనలేనిదనే ఊరడింపు మాటను మాట్లాడాడు.


ఒకవైపు ఇతర తెలంగాణ వాదులంతా హైదరాబాద్ పూర్తిగా తెలంగాణ వారిదేనని, ఇక్కడ సర్వంతెలంగాణ ప్రాంతానికి చెందినదేనని అంటుంటే.. జైపాల్ రెడ్డి మాత్రం భిన్నంగా స్పందిస్తున్నాడు. తెలంగాణ ప్రజలతో పాటు సీమాంధ్రులకు కూడా సమ్మతమైన వ్యక్తి అవ్వడానికి జైపాల్ రెడ్డి ప్రయత్నిస్తున్నాడని విశ్లేషకులు అభిప్రాయపడుతున్నాడు. ఇన్ని రోజులూ ఢిల్లీ వదిలి రాని జైపాల్ రెడ్డి హఠాత్తుగా హైదరాబాద్ లో సెటిలవ్వడం వెనుక భారీ స్కెచ్ ఉందని పరిశీలకులు అనుమానిస్తున్నారు. ముఖ్యమంత్రి కిరణ్ కుమార్ రెడ్డి ఇప్పుడు అధిష్టానానికి ఎదురుతిరుగుతున్న నేపథ్యంలో.. విభజన విషయంలో తీవ్ర వ్యతిరేకత చూపుతున్న తరుణంలో.. అధిష్టానం ఆయనను ముఖ్యమంత్రి సీటు నుంచి తొలగించే అవకాశాలున్నాయని ప్రచారం జరుగుతోంది. మరి కిరణ్ తప్పిస్తే.. ఆ సీటులో ఏ దామోదర వంటి వాడిని తెచ్చిపెట్టడానికి అవకాశం లేదు. అలాగని సత్తిబాబునో, ఆనం రామనారాయణ రెడ్డినోకూడా తెచ్చిపెట్టలేరు. ఇప్పటికే వీళ్ల అసల రూపాలు జనాలకు తెలిసిపోయాయి. ఈ నేపథ్యంలో అధిష్టానం మదిలో జైపాల్ రెడ్డి మెదిలినట్టున్నాడు. ఈయన అసలు రూపం ఏమిటో ఏపీ జనాలకు, ప్రత్యేకించి సీమాంధ్రులకు అసలు తెలీదు. ఇటువంటి నేపథ్యంలో జైపాల్ రెడ్డి సానుభూతి వచనాలతో సీమాంధ్రులకు దగ్గర అవ్వడానికి ప్రయత్నిస్తున్నాడు. అందులోనూ ఈయనకు రెడ్డి సామాజికవర్గ నేపథ్యం కూడా ఉంది. కాబట్టి అధిష్టానం ఇక ఏక్షణమైనా కిరణ్ ను తప్పించి జైపాల్ రెడ్డిని సీఎంగా చేసే అవకాశాలున్నాయి విశ్లేషకులు అంచనా వేస్తున్నారు. జైపాల్ ను సీఎం సీట్లో కూర్చోబెట్టి.. స్టీరింగ్ తాము చేతబట్టి.. విభజన ప్రక్రియను సాఫీగా పూర్తిచేయాలని భావిస్తోందట కాంగ్రెస్ అధిష్టానం!

ఎవడ్రా సమైక్యాంధ్ర అంటోంది?

రాజమండ్రి : సమైక్యవాదులపై అమలాపురం ఎంపీ హర్షకుమార్ తనయులు దాడి చేశారు. ఎవడురా సమైక్యాంధ్ర అంటోంది అంటూ కర్రలతో వీరంగం సృష్టించారు. అంతేకాకుండా భద్రతా సిబ్బంది కూడా దాడులు చేసేలా ప్రోత్సహించారు. .... హర్షకుమార్ సుపుత్రుల వీరంగం చూడండి...

 అంతకు ముందు అమలాపురం ఎంపీ హర్షకుమార్‌ తనయులు సమైక్యవాదులపై దాడికి పాల్పడడంతో ఉద్రిక్త వాతావరణం నెలకొంది. ఈ ఘటనను నిరసిస్తూ రాజమండ్రిలోని హర్షకుమార్‌కు చెందిన కాలేజ్‌ను సమైక్యవాదులు ముట్టడించారు. ఎంపీకి వ్యతిరేక నినాదాలు చేస్తూ .. కళాశాల ప్రాంగణంలోకి చొచ్చుకెళ్లారు.

 దీంతో హర్షకుమార్‌ తనయులు, ప్రైవేట్ సెక్యూరిటీ సిబ్బంది .. సమైక్యవాదులపై దాడులకు దిగారు. కర్రలతో కొట్టడంతో, వారు కాలేజీ బస్సులను ధ్వంసం చేశారు. దాడికి నిరసనగా .. సమైక్యవాదులు కళాశాల ప్రాంగణంలో చెత్త వేయడంతో మరోసారి ఘర్షణ చెలరేగింది. ఇరువర్గీయులు పరస్పరం రాళ్లు రువ్వుకున్నారు. రంగంలోకి దిగిన పోలీసులు, సమైక్యవాదులపైనే విరుచుకుపడ్డారు.

ఇక 'అండర్ వరల్డ్' కాదు.. 'రోమాంటిక్' వర్మ

ముంబయి : అండర్ వరల్డ్ ఇతివృత్తంగా పలు చిత్రాలను తీసిన సంచలన దర్శకుడు రాంగోపాల్ వర్మ.. ఇకమీదట ఇలాంటి సినిమాల జోలికెళ్లబోనని చెప్పారు. వరుసగా ఇలాంటి చిత్రాలు తీసి విసుగు పుట్టిందో లేక మరే కారణమో కానీ వర్మ తన మనసు మార్చుకున్నారు. తాజాగా ఆయన తెరకెక్కించిన 'సత్య 2'నే గ్యాంగ్ స్టర్ కథాంశంపై తన చివరి సినిమా అని తెలిపారు. ఆ తర్వాత ఇలాంటి కథలను ఎన్నుకునే ఆలోచన లేదని తెలిపారు. 'సత్య 2' 'సత్య' సినిమాకిది సీక్వెల్.

 వర్మ గతంలో 'సర్కార్', 'కంపెనీ', 'సత్య' వంటి అండర్ వరల్డ్ నేపథ్యమున్నసినిమాలను తెరకెక్కించారు. ఇకనుంచి రోమాంటిక్ చిత్రాలను తీసే యోచనలో వర్మ ఉన్నారు. 'ప్రేమకథా చిత్రాలు తీయాలని భావిస్తున్నా. ప్రస్తుతం రెండు కథలు సిద్ధంగా ఉన్నాయి. మార్షల్ ఆర్ట్స్ కు సంబంధించిన చిత్రాన్నిఈ ఏడాది చివర్లో ప్రారంభించే అవకాశముంది' అని వర్మ చెప్పారు.