రాఘవ లారెన్స్ ‘కాంచన 2’ ఫస్ట్ లుక్ ఇదే..

హైదరాబాద్: కొరియోగ్రాఫర్, దర్శకుడు రాఘవ లారెన్స్ గాయ పడ్డాడు. తన స్వీయ దర్శకత్వంలో తెరకెక్కుతున్న 'ముని-3 : గంగా' (కాంచన-2) ఫస్ట్ లుక్ విడుదలైంది. రాఘవ లెరెన్స్, తాప్సీ జంటగా నటిస్తున్న ఈ భారీ చిత్రానికి ఫోటోగ్రఫీ: కిచ్చా, సంగీతం: థమన్, సమర్పణ: మల్టీ డైమన్షన్ ఎంటర్ టైన్మెంట్స్, నిర్మాతలు: బెల్లంకొండ సురేష్, బెల్లకొండ గణేష్ బాబు, కథ-స్క్రీన్ ప్లే-కొరియోగ్రఫీ-దర్శకత్వం: రాఘవ లారెన్స్.

ఉపాసన...స్లిమ్ అయ్యేందుకు ఇలా! (ఫోటోస్)

హైదరాబాద్: హాలీవుడ్ ఫిట్‌నెస్ ట్రైనర్ రమోనా బ్రగాంజా హైదరాబాద్ వాసులకు శిక్షణ ఇచ్చేందుకు సిటీలో ల్యాండ్ అయ్యారు. అపోలో ఆసుపత్రి ఆధ్వర్యంలోని అపోలో లైఫ్ ఫిట్‌నెస్ సెంటర్‌లో రమోనా నెల రోజులపాటు శిక్షణ(ఏప్రిల్ 7 వరకు) ఇస్తారు. ఈ మేరకు ఆమెను నగర వాసులకు ఇంట్రడ్యూస్ చేస్తూ ఇటీవల ఓ కార్యక్రమం నిర్వహించారు. ఈ సందర్భంగా అపోలో లైఫ్ నిర్వాహకురాలు, రామ్ చరణ్ సతీమణి ఉపాసన మాట్లాడుతూ...‘జెస్సికా అల్బా, హల్లీబెర్రీ, అన్నాహాత్‌వే తదితర హాలీవుడ్ నటులకు శిక్షకురాలిగా రమోనా పేరొందారు. వారందరికీ విజయవంతంగా శిక్షణనిచ్చి... వారి ఫిజిక్‌లను అద్భుతంగా తీర్చిదిద్దారు. ఆమె సేవలు హైదరాబాదీలకు అందుబాటులోకి తీసుకురావడం ఆనందంగా ఉంది. నేను కూడా కొంత కాలంగా రమోనా సూచనలు తీసుకొంటున్నా. ఇకపై ఆమె శిక్షణలో నా ఫిజిక్ మరింతగా మెరుగవుతుందని ఆశిస్తున్నా. మహిళలందరూ స్వయంశక్తితో ఎదగాలని కోరుకుంటూ ఆ దిశగా కార్యక్రమాలు చేపడుతున్నాం. ఫిట్‌నెస్ ట్రైనర్లుగా మరింత మంది మహిళలు రావాలనేది నా ఆకాంక్ష' అని చెప్పారు.

పూరీజగన్నాథ్ ఇంట్లో భారీ దొంగతనం

హైదరాబాద్: ప్రముఖ సినీ దర్శకుడు పూరి జగన్నాథ్ నివాసంలో భారీ దొంగతనం జరిగింది. హైదరాబాద్ జూబ్లీహిల్స్ రోడ్ నెం. 31లో నివసించే పూరి జగన్నాథ్ కుటుంబం బయటకు వెళ్లిన సమయంలో గుర్తు తెలియని వ్యక్తులు ఇంట్లోకి చొరబడి బెడ్‌రూమ్‌లో ఉన్న అలమరా తాళాలు తీసి బంగారు ఆభరణాలు దొంగలించారు. దాంతో పూరి జగన్నాథ్ శుక్రవారం తెల్లవారుజామున జూబ్లీహిల్స్ పోలీస్ స్టేషన్‌లో ఫిర్యాదు చేశారు. అలమరాలోని సుమారు రూ.15 లక్షల విలువ చేసే బంగారు ఆభరణాలు, అరుదైన డిజైన్లు, వజ్రాలు పొదిగిన నెక్లెస్ ఉన్నట్లు పేర్కొన్నారు.

Tollywood Heroes And Their Wives Photos

అంకెల గారడి, అంతా దాచి పెట్టే ప్రయత్నమే: బడ్జెట్‌పై వైయస్ జగన్

హైదరాబాద్: ఆంధ్రప్రదేశ్ ఆర్థిక మంత్రి యనమల రామకృష్ణుడు గురువారం అసెంబ్లీలో ప్రవేశపెట్టిన రాష్ట్ర బడ్జెట్ నిరాశకు గురిచేసిందని ప్రతిపక్ష నేత, వైయస్సార్ కాంగ్రెస్ పార్టీ అధ్యక్షుడు వైయస్ జగన్మోహన్ రెడ్డి అన్నారు.ఆయన సమావేశాల అనంతరం మీడియాతో మాట్లాడుతూ.. ఈ బడ్జెట్ అంతా దాచిపెట్టే ప్రయత్నమే తప్ప.. ఏమీ కనిపించే అవకాశాల్లేవని మండిపడ్డారు. బడ్జెట్ వాస్తవదూరంగా ఉందని, వీలైనంతవరకు అన్నీ దాచిపెట్టే ప్రయత్నం చేశారని జగన్ విమర్శించారు. బడ్జెట్ అంతా అంకెల గారడీయేనని, అన్నీ గొప్పలు చెప్పుకొన్నారని మండిపడ్డారు. బడ్జెట్ లో అవాస్తవాలు చెప్పారని ఆరోపించారు. డ్వాక్రా మహిళలకు ఈ ఏడాది ఏం చేస్తారో చెప్పలేదని అన్నారు.ఫలానా పథకానికి గొప్పగా కేటాయింపులు చేశామని చెప్పుకొనే పరిస్థితి లేదని అన్నారు. బడ్జెట్ అంశాలపై పూర్తిగా లోతుల్లోకి వెళ్లలేదని, దీనిపై మార్చి 16న మరోసారి స్పందిస్తానని చెప్పారు. కొత్తగా జీరో బేస్డ్ బడ్జెట్ అన్నారు గానీ..గతంలో చంద్రబాబునాయుడు సిఎంగా ఉన్నప్పుడు కూడా చేశారన్నారు. అప్పుడు జీరో బేస్డ్ బడ్జెట్ విఫలం కావడంతో ఆ తర్వాత దాన్ని పక్కన పెట్టారని గుర్తు చేశారు. వ్యవసాయ రుణాలకు ఎంత ఇచ్చారు? ఎంత ఇవ్వబోతారో చెప్పలేదని అన్నారు. శాఖల వారీగా రెవెన్యూ ఎంత వచ్చింది?, ఎంత ఖర్చు చేశారన్నది లోతుగా చూడాల్సి ఉందని జగన్ చెప్పారు. డ్వాక్రా రుణాలపై వడ్డీ మాఫీ ఎంతో లేదని అన్నారు. గతం గురించి చెప్పారు గానీ, ఈ ప్రభుత్వం ఏం చేస్తుందో, ఏం చేయబోతోందో చెప్పనేలేదని వైయస్ జగన్మోహన్ రెడ్డి అన్నారు.

రామ్ గోపాల్ వర్మ చిన్నతనంలో ఇలా....(ఫోటో)

హైదరాబాద్: రామ్ గోపాల్ వర్మ ట్విట్టర్లో ఎప్పుడూ ఏదో ఒక వివాదం రేపుతూ ట్వీట్లు చేస్తుంటారు. కానీ ఈ సారి మాత్రం తన చిన్ననాటి ఫోటో పోస్టు చేసాడు. తనకు ఊహ తెలియని వయసులో తన తాతయ్యతో కలిసి దిగిన ఫోటో ఇది.

నేను పవన్ కళ్యాణ్ ని ఏ కామెంటూ చేయలేదు

హైదరాబాద్ : నేను పవన్ కళ్యాణ్ మీద కామెంట్ చేయటమేంటి...ఆయనంటే నాకు గౌరవం... అసలు ఆయన ప్రసక్తే ఎక్కడా తేలేదు అంటూ మొత్తుకుంటోంది హన్సిక. ఆమె పవన్ కళ్యాణ్ ని కామెంట్ చేస్తూ ఇంటర్వూ ఇచ్చిందని తమిళ పత్రికల్లో వచ్చింది. దాంతో అది తెలుగు మీడియాలోనూ క్యారీ ఫార్వర్డ్ అయ్యింది. ఈ నేపధ్యంలో వాటిని ఖండించింది. ఇంతకీ ఆమె తమిళ పత్రికల్లో ఇంటర్వూ ఇచ్చిందని చెప్పబడుతున్న దాంట్లో ఏముందంటే... "సోషల్ సర్వీస్ చెయ్యాలంటే పవన్ కళ్యాణ్ లాగో మరొకరిలాగో రాజకీయాల్లోకి లోకి రావాల్సిన పనిలేదు " అందంటూ అక్కడ మీడియా రాసుకొచ్చింది. ఈ నేపధ్యంలో పవన్ అభిమానులు ఆమెపై మండిపడుతున్నారు. తెలుగు మీడియా సైతం అత్యుత్సాహంగా ఈ విషయమై వార్తలు రాసేసింది. ఈ నేపధ్యంలో ఆమె వివరణ ఇచ్చింది. "ఓ మైగాడ్.. కొంతమంది నేను పవన్ కళ్యాణ్ ని కామెంట్ చేసానని అంటున్నారు. ఈ విషయమై వివరణ ఇస్తున్నాను..నేను ఆయన్ని మెన్షన్ చేస్తూ ఎక్కడా ఇంటర్వూ ఇవ్వలేదు. అదంతా రూమర్స్..ఆ పత్రికల వాళ్లు వండి వార్చిన వార్తే. ఆయనంటే నాకు చాలా గౌరవం...ఆయన చేసే పనులకు నేను అభిమానిని. నేను మిగతా వాళ్లను రిక్వెస్ట్ చేస్తున్నా ఈ రూమర్ ని ఇక్కడితే ఆపేయండి.. ", అంది హన్సిక.

హిందీ చిత్రంలో అల్లు అర్జున్...డిటేల్స్

హైదరాబాద్ : హీరోయిన్స్ ఇక్కడో అడుగు..అక్కడో అడుగు అన్నట్లుగా ఎప్పుడూ బాలీవుడ్ వైపు ఓ లుక్కేస్తున్న విషయం తెలిసిందే. అదే రూటులో ఇటీవల మన యువ హీరోలు హిందీ సినిమాలపై మక్కువ చూపుతున్నారు. రానా ఇప్పటికే అక్కడ ఓ స్థానాన్ని ఏర్పాటు చేసుకొన్నారు.'జంజీర్‌'తో రామ్‌చరణ్‌ హిందీలోకి అడుగుపెట్టారు. ప్రభాస్‌ ఆమధ్య 'యాక్షన్‌ జాక్సన్‌'లో తళుక్కున మెరిశారు. ఇప్పుడు అల్లు అర్జున్‌ వంతొచ్చింది. ఆయన ఇటీవల ఓ హిందీ చిత్రంలో నటించారని సమాచారం. వరుణ్‌ధావన్‌, శ్రద్ధాకపూర్‌ జంటగా 'ఏబీసీడీ2' చిత్రం తెరకెక్కుతోంది. రెమో డిసౌజా దర్శకత్వం వహిస్తున్నారు. ఇందులో ఓ కీలక పాత్రలో బన్నీ నటించినట్టు తెలుస్తోంది. అల్లు అర్జున్‌కు డ్యాన్స్‌ అంటే అభిమానం. అందుకే ఆయనకు 'ఏబీసీడీ2'లో నటించే అవకాశం లభించినట్టు సమాచారం. మరి బన్నీ పాత్ర తెరపై ఎంతసేపు కనిపిస్తుందన్నది తెలియాల్సి ఉంది. ఇందులో ప్రభుదేవా కూడా ఓ కీలక పాత్రను పోషించారు.


అల్లు అర్జున్ తాజా చిత్రం విషయానికి వస్తే... అల్లు అర్జున్ హీరోగా దర్శకుడు త్రివిక్రమ్ శ్రీనివాస్ రూపొందిస్తున్న చిత్రం ‘S/O సత్యమూర్తి' . ఈ చిత్రం అఫీషియల్ టైటిల్ లోగో ని ఇప్పటికే విడుదల చేసారు. ‘విలేవలే ఆస్తి' అనేది సబ్ టైటిల్. ఫ్యామిలీ ఆడియన్స్ ని టార్గెట్ చేస్తోందీ ఈ చిత్రం . ఈ చిత్రంలో అల్లు అర్జున్ ..వెడ్డింగ్ ప్లానర్ గా కనిపిస్తారు. నిర్మాత ఎస్.రాధాకృష్ణ మాట్లాడుతూ... అల్లు అర్జున్, త్రివిక్రమ్ కాంబినేషన్లో వచ్చిన జులాయి ఎంతటి ఘనవిజయం సాధించిందో అందరికీ తెలిసిందే. ఇప్పుడు మళ్లీ ఇదే కాంబినేషన్లో సినిమా రూపొందిస్తున్నందుకు చాలా హ్యాపీగా ఉంది. తివిక్ర‌మ్ అత్తారింటికి దారేది చిత్రం త‌రువాత అల్లు అర్జున్ రేసుగుర్రం చిత్రం త‌రువాత చేస్తున్నందున‌ ఈ సినిమాపై భారీ అంచనాలున్నాయి. ప్రేక్షకుల అంచనాలకు ఏమాత్రం తగ్గకుండా ఈ చిత్రాన్ని దర్శకుడు త్రివిక్రమ్ శ్రీనివాస్ తెరకెక్కిస్తున్నారు. స్టైలిష్ స్టార్ అల్లు అర్జున్ పెర్ ఫార్మెన్స్ ఈ సినిమాకు హైలైట్ కానుంది. ఫుల్ కమర్షియల్ ఎంటర్ టైనర్ గా నిర్మిస్తున్నాం. ఉపేంద్ర, రాజేంద్రప్రసాద్, స్నేహ పాత్రలు సినిమాకు స్పెషల్ ఎట్రాక్షన్. అందాల భామలు సమంత, నిత్యామీనన్, అదాశర్మ హీరోయిన్స్ గా నటిస్తున్నారు. ప్రస్తుతం ఈ చిత్ర షూటింగ్ శరవేగంగా జరుగుతోంది. ప్ర‌స్తుతం స్పెయిన్ లో పాట‌ల చిత్రీక‌ర‌ణ జ‌రుపుకుంటుంది. ఈ షెడ్యూల్ తో ఒక్క పాట షూటింగ్ మిన‌హ షూటింగ్ మెత్తం పూర్త‌వుతుంది. మరి కొద్దిరోజుల్లో ఆడియో రిలీజ్ డేట్ ప్రకటిస్తాం. అని కార్యక్రమాలు పూర్తి చేసి స‌మ్మ‌ర్ కానుక‌గా ఈ చిత్రాన్ని విడుదల చేస్తాము.. అని అన్నారు.