పైరసీ కాదు… కుట్ర : పవన్ కళ్యాణ్

అత్తారింటికి దారేది సినిమా ‘థాంక్స్ ఫర్ యువర్ సపోర్ట్’ ఫంక్షన్ లో పవన్ కళ్యాణ్ బావోద్వేగానికి గురి అయ్యారు. సినిమా రిలీజ్ 50 డేస్ ముందే కుట్ర జరిగిందని, పైరసీ కాపీ ముందే తమ దగ్గర పెట్టుకుని, సమయం చూసి నెట్ లో పెట్టారని పవన్ అన్నారు. కుట్రను మర్చిపోలెం, పేరు పేరునా గుర్తుపెట్టుకుటాం. దీని వెనక ఎవరు వున్నారో నాకు తెలుసు, కుట్ర దారులు ఎంతటి వాళ్ళు అయిన వదలం, అన్ని భరిస్తాం… తేడ వస్తే తాట తీస్తాం… నిగ్రహాన్ని చేతకానితనంగా చూడొద్దని అన్నారు. పైరసీ ని అభిమానులు ప్రోత్సహించలేదు, సినిమా పెద్దలే ప్రోత్సహిస్తున్నారు. చాలా మంది సిని పరిశ్రమలోని వారు పైరసీ కాపీ చూసి సినిమా బాగుందని చెప్పారు. ఒకరిద్దరు అయితే పేర్లు చెప్పేవాడిని అని ఆవేశంగా చెప్పారు.

 ఇదిలా వుండగా విడుదలకు ముందే పైరసీ సీడీ మార్కెట్లోకి రావడం, మరోవైపు సినిమా అడ్డుకుంటామన్న హెచ్చరికలు…. ఇలా క్లిష్ట పరిస్థితుల్లో విడుదలైన పవర్ స్టార్ పవన్ కల్యాణ్ సినిమా ‘అత్తారింటికి దారేది’ బాక్సాఫీసు వద్ద కలెక్షన్ల సునామీ సృష్టిస్తోంది. 2 వారాల లో 59 కోట్లు పైగా షేర్ రాబట్టినట్టు సమాచారం. ఈ సక్సెస్ తో పవన్ కు ఎక్కువ పారితోషకం ఇచ్చి కాల్షీట్స్ తీసుకోటానికి నిర్మాతలు క్యూ కట్టేస్తున్నారు.

అత్తారింటికి దారేది థ్యాంకు మీట్ లో పవన్ ఉద్వేగ ప్రసంగం

పవన్ కల్యాణ్ నటించిన అత్తారింటికి దారేది చిత్రం ఘన విజయం సాధించిన సంగతి తెలిసిందే. కాసుల వర్షం కురిపిస్తోన్న ఈ సినిమా బాక్సాఫీసు రికార్డులు బద్దలు కొట్టేదిశగా దూసుకుపోతోంది. అయితే, తమ సినిమాను ఆదరించినందుకుగానూ, కృతజ్ఞతలు తెలిపేందుకు చిత్ర బృందం హైదరాబాదు శిల్ప కళా వేదికలో థాంక్స్ గివింగ్ ఫంక్షన్ నిర్వహిస్తోంది. ఈ మూవీకి తివిక్రమ్ దర్శకత్వం వహించగా.. బివిఎస్ఎన్ ప్రసాద్ నిర్మించాడు. దీనిలో పవన్ సరసన సమంత, ప్రణీత హీరోయిన్లుగా నటించారు. ఇంత పెద్ద సక్సెస్ చేసిన తన అభిమానులకు అభినందనలు చెప్పడానికి పవర్ స్టార్ పవన్ కళ్యాణ్ డిసైడ్ అయ్యాడు.

 ఈ సందర్భంగా పవన్ కళ్యాణ్ మాట్లాడుతూ.... ఈ పైరసీని ఇండస్ట్రీ పెద్దలే ప్రోత్సహిస్తున్నారు...ఎన్ని సినిమాలు చేశానో గుర్తుపెట్టుకోలేదు. సినిమాలు చేయడమే కానీ ఇలా సక్సెస్ మీట్ లు ఏర్పాటు చేసుకోవడం ఆసక్తి ఉండదు. కానీ ఈ సినిమాకు పంక్షన్ ఏర్పాటు చేయాలని డిసైడ్ అయ్యాను. నేను సినిమాలకు రావడానికి ప్రేక్షకులు చూపే ప్రేమే కారణం. జయాలకు ఎప్పుడూ పొంగిపోలేదు. అపజయాలు ఎప్పుడూ.. లొంగిపోలేదు. ఈ సినిమాను పెద్ద హిట్ చేసిన ప్రేక్షకులకు కృతజ్ఞతలు చెప్పడానికి ఈ మీట్ ఏర్పాటు చేశాం.

స్టేజ్ మీద డాన్స్ వేద్దామనుకున్నా: నాగార్జున

హైదరాబాద్: పవన్ కళ్యాణ్ హీరోగా నటించిన 'అత్తారింటికి దారేదీ' సినిమా పరిశ్రమకు ఒక దారి చూపించిందని 'కింగ్' నాగార్జున అన్నారు. మంచి సినిమాను పైరసీ ఆపలేదని ఈ చిత్రం నిరూపించిందన్నారు. నేడు జరిగిన 'భాయ్' సినిమా ఆడియో ఆవిష్కరణ కార్యక్రమంలో ఆయనీ వ్యాఖ్యలు చేశారు. 'భాయ్' ఆడియో రిలీజ్ ఫంక్షన్ ను భారీగా చేయాలనుకున్నా కుదరలేదని చెప్పారు. ఇందుకు కొంచెం బాధగా ఉందన్నారు. ఈ కార్యక్రమాన్ని ధూం ధాంగా చేద్దామనుకున్నామని, స్టేజ్ మీద డాన్స్ వేద్దామనుకున్నానని వెల్లడించారు.

హీరోయిన్లు కూడా రెడీ అయ్యారని అన్నారు. అయితే సమయాభావం వల్ల ఇవన్నీ చేయలేకపోయామని వివరించారు. 'భాయ్' సినిమాను 25న విడుదల చేయాలనుకుంటున్నట్టు చెప్పారు. ఈ సినిమాకు సంగీతం అందించిన దేవీశ్రీ ప్రసాద్.. బ్యాంకాక్ లో మ్యూజిక్ సిట్టింగ్ లో ఉండడం వల్ల ఆడియో ఫంక్షన్ రాలేకపోయాడని తెలిపారు. అత్తారింటికి దారేదీలో దేవీశ్రీ ప్రసాద్ ఒక పాటలో బాగా నటించాడని నాగార్జున కితాబిచ్చారు. ఆడియో విడుదల కార్యక్రమంలో దర్శకుడు వీరభద్రమ్, హీరోయిన్ రిచా గంగోపాధ్యాయ, పాటల రచయిత అనంత్ శ్రీరామ్ తదితరులు పాల్గొన్నారు

క‌రీనా క‌పూర్‌ కూతురి గ్రాండ్ ఎంట్రి !

క‌రీనా క‌పూర్‌కి మ్యారేజ్ జ‌రిగి ఈ నెల ప‌ద‌హారుకి స‌రిగ్గా ఒక సంవ‌త్సరం పూర్తవుతుంది. ఈ లోపే క‌రీనా క‌పూర్ కూతురి బాలీవుడ్ గ్రాండ్ ఎంట్రికు భారీగా క‌స‌ర‌త్తులు జ‌రుగుతున్నాయి. అదేంటి, కరీనాకు పెళ్ళి అయితే జ‌రిగింది కాని, పిల్లలు ఎక్కడి నుంచి వ‌చ్చారు అని అనుకుంటున్నారా? ఇందులో ఆశ్యర్యప‌డాల్సిన అవ‌స‌రం ఏమి లేదు. సైఫ్ అలీ ఖాన్‌ని పెళ్ళి చేసుకున్న క‌రీనా, ఆనాడే ఒక మాట ఇచ్చింది. 'మాకు పిల్లలు వ‌ద్దూ, సైఫ్‌కు ఆల్రెడీ పిల్లలు ఉన్నారు. వాళ్ళు కూడ నా బిడ్డల‌తోనే స‌మానం. నేనూ వాళ్ళకూ త‌ల్లినే' అని ఓ సెంటిమెంట్ స్టేట్‌మెంట్ ఇచ్చింది.

 దాని ప్రకార‌మే సైఫ్ అలీఖాన్ మొద‌టి భార్య కూత‌రు స‌రా ఖాన్, క‌రీనాక‌పూర్‌కీ కూతురు అయింది. ఇప్పుడు స‌రా ఖాన్ వ‌య‌స్సు ఇర‌వై సంవ‌త్సరాలు. ఈ అమ్మడి బాలీవుడ్ ఎంట్రి కోసం పెద్ద పెద్ద ప్రొడ‌క్షన్ సంస్థలు కూడ క్యూ క‌డుతున్నాయి. స‌రాఖాన్ గ్రీన్ సిగ్నల్ ఇవ్వాలే కాని బాలీవుడ్ కుర్ర హీరోలు సైతం ఆమెతో న‌టించ‌డానికి రెడీ అవుతున్నారు. స‌రాఖాన్ బాలీవుడ్‌లోకి ఎప్పుడు ఎంట్రి ఇచ్చినా అది య‌ష్‌రాజ్ ప్రొడ‌క్షన్ నుండే అని ఖారారైంది. ఈ మ‌ధ్య కాలంలో స‌రాఖాన్ కొన్ని స్టోరీల‌ను వింటుద‌ని స‌మాచారం. దీంతో ప‌టౌడి హీరో సైఫ్ అలీ ఖాన్ కూతురు, బాలీవుడ్ గ్రాండ్ ఎంట్రి అంటూ వార్తలు షురూ అందుకున్నాయి.

'రామయ్యా వస్తావయ్యా' తొలిరోజు షేర్ రూ. 8.7 కోట్లు

జూనియర్ ఎన్టీఆర్ నటించిన 'రామయ్యా వస్తావయ్యా' సినిమాపై భిన్నమైన టాక్ వచ్చినా ఆశించిన స్థాయిలో ఓపెనింగ్ కలెక్షన్లు రాబట్టింది. శుక్రవారం విడుదలైన ఈ సినిమా మొదటి రోజు 8.7 కోట్లు వసూలు చేసింది. స్టార్ ప్రొడ్యూసర్ దిల్ రాజు 40 కోట్ల రూపాయల వ్యయంతో ఈ చిత్రాన్ని నిర్మించారు. సమంత, శృతిహాసన్ హీరోయిన్లు కాగా హరీష్ శంకర్ దర్శకుడు. 'రామయ్యా వస్తావయ్యా సినిమాపై మిశ్రమ స్పందన వచ్చినా ఆంధ్రప్రదేశ్ లో మంచి వసూళ్లు రాబట్టింది. తొలి రోజే భారీ మొత్తం వచ్చింది. అయితే తర్వాతి రోజు నుంచి వసూళ్లు తగ్గాయి. తొలి వారం కలెక్షన్లను బట్టి బాక్సాఫీసు వద్ద ఈ సినిమా సత్తా ఎంత అన్న విషయం తేలనుంది' అని సినీ విశ్లేషకుడు అభిప్రాయపడ్డారు.

కళ్యాణ్‌కి ధన్యవాదాలు

‘‘తెలుగు పరిశ్రమలో నాకున్న బ్యాక్‌గ్రౌండ్‌కి ఇక్కడ సినిమా నిర్మిస్తే చాలా సులువుగా ఉంటుంది. అయితే పుణెతో నాకున్న అనుబంధం, మరాఠీ సినిమాల మీద ఉన్న మక్కువతో తొలి ప్రయత్నంగా ఓ మరాఠీ సినిమా నిర్మిస్తున్నా’’ అన్నారు రేణుదేశాయ్. ‘బద్రి’ ద్వారా తెలుగు తెరపై మెరిసిన ఆమె పవన్‌కళ్యాణ్‌ని పెళ్లి చేసుకున్న తర్వాత ఒక్క ‘జానీ’లో నటించి, ఆ తర్వాత సినిమాలకు దూరమైన విషయం తెలిసిందే.

 ఇప్పుడు నిర్మాతగా మారి, మరాఠీలో ‘మంగళాష్టక్ వన్స్ మోర్’ అనే చిత్రం తీస్తున్నారు. ఈ చిత్రవిశేషాలు తెలియజేయడానికి ఆమె ఓ ఇంటర్వ్యూ ఇచ్చారు. ఆ ఇంటర్వ్యూలో రేణు మాట్లాడుతూ - ‘‘గత పది, పన్నెండేళ్లల్లో సినిమాకి సంబంధించిన స్టోరీ డిస్కషన్స్, మ్యూజిక్ సిట్టింగ్స్ అన్నింట్లోనూ పాల్గొన్నాను. దాని వల్ల సినిమా మేకింగ్ మీద ఓ అవగాహన వచ్చింది. అందుకు కళ్యాణ్ (పవన్‌కళ్యాణ్)కి థ్యాంక్స్ చెప్పాలి. ఈ పన్నెండేళ్లల్లో సాధించిన అనుభవంతో ఈ చిత్రాన్ని నిర్మిస్తున్నా’’ అన్నారు. ఈ షూటింగ్ లొకేషన్‌లో మీరు కొంతమంది దగ్గర దురుసుగా ప్రవర్తించారనే టాక్ ఉంది? అనే ప్రశ్నకు సమాధానంగా- ‘‘ఎక్కడైనాసరే మగవాళ్లు అరిస్తే అది తప్పుగా అనిపించదు.

బాసా.. మజాకా..

నెల్లూరు(బారకాసు), న్యూస్‌లైన్: ఏతప్పు చేయకపోయినా బాస్‌కు ఇష్టం లేని పని చేస్తే మాత్రం అధికారులకు వేటు తప్పదు. ఇంతకీ ఎవరా బాస్ అనుకుంటున్నారా... ఎవరో కాదండి మన రూరల్ నియోజకవర్గ ఎమ్మెల్యే ఆనం వివేకానందరెడ్డి... ఆయన ఆగ్రహానికి గురైతే ఏ అధికారిపైనైనా వేటు తప్పదు... శుక్రవారం స్థానిక 17వ డివిజన్‌లో రోడ్డు శంకుస్థాన కార్యక్రమంలో శిలాఫలకంలో మాజీ మేయర్ భానుశ్రీ పేరు లేదని ఎమ్మెల్యే వివేకానందరెడ్డి సంబంధిత ఇంజనీరింగ్ అధికారులపై ఆగ్రహం వ్యక్తం చేశారు.

 వెంటనే వీరు చేస్తున్న పనుల నుంచి తొలగించి ఇతర పనులు అప్పగించాలని కమిషనర్‌ను ఆదేశించడమే ఇందుకు నిదర్శనం. అంతే ఆయన ఆదేశాల మేరకు కార్పొరేషన్ కార్యాలయంలో శనివారం చకచకా ఫైలు కదిలింది. సంబంధిత ఇంజనీరింగ్ అధికారులను ఇతర పనులను అప్పగిస్తూ కమిషనర్ జాన్‌శ్యాంసన్ ఉత్తర్వులు జారీ చేశారు. సమ్మర్ స్టోరేజ్ పనులను చూస్తున్న డీఈఈ చంద్రయ్య, ఏఈఈ సుబ్బారెడ్డి స్థానంలో బాస్ వేటుకు గురైన డీఈఈ అనిల్‌కుమార్, ఏఈఈ ప్రసాద్‌ను నియమించారు. వీరి స్థానంలో సమ్మర్ స్టోరేజ్ పనులు చూస్తున్న ఇంజనీరింగ్ అధికారులను నియమించారు. అదేవిధంగా మున్సిపల్ ఇంజనీరింగ్ అధికారికి షోకాజ్ నోటీస్ జారీ చేశారు. ప్రొటోకాల్ ప్రకారంగా తాము వ్యవహరించి నందుకు తాము నిర్వర్తించే విధుల నుంచి ఇతర పనులకు కేటాయించడంపై వారు ఆందోళన వ్యక్తం చేస్తున్నారు.

 ఇంజనీరింగ్ అధికారుల విషయంలో జరిగిన తీరుతో ఇతర అధికారులు బాస్ ఎప్పుడు ఎవరిపైన ఆగ్రహిస్తాడో తెలీదు.. ఒక వేళ ఏదైనా సందర్భంలో తమపై ఆగ్రహించారో తమకు వేటు తప్పదని కార్పొరేషన్ కార్యాలయ ఉద్యోగులు వాపోతున్నారు. బాస్‌కు నచ్చినట్లు ప్రభుత్వానికి విరుద్ధంగా నిర్వహించాలంటే ఎలా కుదురుతుందని వారంతా ఆవేదన వ్యక్తం చేస్తున్నట్లు సమాచారం. ఇలాగైతే ఉద్యోగాలు ఎలా చేయాలో అర్థం కావడం లేదని అధికారులు తలలు పట్టుకుంటున్నట్లు తెలిసింది.

Masala Movie Audio Launch