ఆశారాం బాపు సంపద రూ. 10 వేల కోట్లు

సూరత్: కుబేరుడికే కళ్లుతిరిగేలా.. కార్పొరేట్లకే ఈర్ష్య పుట్టేలా స్వామీజీ ఆశారాం బాపు ఆస్తులు కూడగట్టారు. అదంతా పోలీసులు స్వాధీనం చేసుకున్న పత్రాల ద్వారా ఇప్పుడు బయటకి వస్తోంది. ఇప్పటి వరకూ లెక్కించిన ఆయన సంపద విలువ దాదాపు రూ. 10 వేల కోట్లు ఉందని గురువారం పోలీసులు చెప్పారు. ఆయన ఆశ్రమంపై దాడి చేసిన సందర్భంలో లభించిన డాక్యుమెంట్లను పరిశీలించగా.. బ్యాంకు ఖాతాలు, షేర్లు, డిబెంచర్లు, ప్రభుత్వ బాండ్ల రూపంలో ఆశారాం సొమ్ము రూ. 9 వేల కోట్ల నుంచి రూ. 10 వేల కోట్లు ఉంటుందని సూరత్ పోలీస్ కమిషనర్ రాకేష్ అస్తానా విలేకరులకు తెలిపారు. దీనిలో దేశవ్యాప్తంగా ఆయనకు ఉన్న భూముల విలువ కలపలేదన్నారు. మరిన్ని డాక్యుమెంట్లు స్వాధీనం చేసుకోవాల్సి ఉందని, అప్పుడు ఆయన సంపద విలువ మరింత పెరగవచ్చని సీపీ తెలిపారు. ఈ విషయంలో లోతైన విచారణ కోసం సీబీడీటీ, ఐటీ, ఈడీలకు విన్నవించామని ఆయన చెప్పారు. కొన్ని నెలల క్రితం అహ్మదాబాద్‌లోని ఆయన ఆశ్రమ భవనంలో సోదా చేసిన సందర్భంగా 40 పెద్ద సంచుల నిండుగా ఉన్న వేలాది డాక్యుమెంట్లను స్వాధీనం చేసుకున్న విషయం తెలిసిందే. వాటి ఆధారంగానే గుజరాత్‌లోని 45 ప్రాంతాల్లో ఆయనకు భూములున్నట్లు, అంతేగాక రాజస్థాన్, ఆంధ్రప్రదేశ్, మధ్యప్రదేశ్, మహారాష్ట్రల్లో కూడా భూములు సంపాదించినట్లు బయటపడిందని సీపీ రాకేష్ వెల్లడించారు. మరిన్ని చోట్ల ఆయన ఇంకా డాక్యుమెంట్లు దాచి పెట్టారా అనే విషయం పరిశీలించాల్సి ఉందన్నారు. కాగా, లైంగిక వేధింపుల కేసులో నిందితుడిగా ఉన్న 72 ఏళ్ల ఆశారాం బాపు జోధ్‌పూర్ జైల్లో ఉన్న విషయం తెలిసిందే. ఆయన కుమారుడు నారాయణ సాయి కూడా అలాంటి కేసులోనే జైలు పాలయ్యారు

ప్రస్తుత బిల్లును ఆమోదిస్తేనే: సన్యాసంపై సిఎం ట్విస్ట్

హైదరాబాద్: శాసనసభ తిరస్కరించిన ఆంధ్రప్రదేశ్ పునర్వ్యస్థీకరణ బిల్లును (తెలంగాణ బిల్లును) యథాతథంగా పార్లమెంటులో ఆమోదిస్తే తాను రాజకీయాల నుంచి తప్పుకుంటానని ముఖ్యమంత్రి కిరణ్ కుమార్ రెడ్డి అన్నారు. తెలంగాణ బిల్లును శాసనసభ, శాసన మండలి రెండూ బిల్లును తిరస్కరించాయని, దీన్ని కేంద్రం గౌరవించాలని ఆయన అన్నారు. ఓ జాతీయ మీడియాతో మాట్లాడిన కిరణ్ కుమార్ రెడ్డి గురువారంనాడు పార్టీ అధిష్టానంపై, కేంద్ర ప్రభుత్వంపై తీవ్ర వ్యాఖ్యలు చేశారు. రాజకీయాల నుంచి తప్పుకుంటానంటే కొత్త పార్టీ పెడతానని కాదని ఆయన అన్నారు. కొత్త పార్టీ పెట్టడమనేది తనకు ప్రధానాంశం కాదని, రాష్ట్ర భవిష్యత్తు తనకు ముఖ్యమని ఆయన అన్నారు. ప్రజల ఆకాంక్ష మేరకే బిల్లును తిరస్కరించామని ఆయన అన్నారు. రాజకీయ జీవితం కన్నా రాష్ట్ర సమైక్యతే తనకు ముఖ్యమని ఆయన అన్నారు. రాష్ట్ర ప్రజల అభీష్టాన్ని కేంద్రం గౌరవించాలని ఆయన అన్నారు. బిల్లును శానససభ, మండలి తిరస్కరించిన తర్వాత ముందుకు వెళ్లడం ప్రజాస్వామ్యం అనిపించుకోదని ఆయన అన్నారు. తెలుగు ప్రజల భవిష్యత్తును ఢిల్లీ నిర్ణయించకూడదని ఆయన అన్నారు. విభజన రాజకీయాలకు, రాజకీయ పార్టీలకు సంబంధం పెట్టకూడదని ఆయన అన్నారు. తెలంగాణ ఆంధ్రప్రదేశ్ రాష్ట్రంలో భాగమని, తెలంగాణ రాష్ట్ర ఏర్పాటు పెద్ద తిప్పదమని ఆయన అన్నారు. తెలంగాణ ఏర్పడితే మనుగడ సాగించలేదని ఆయన అన్నారు. అధిష్టానం తప్పు చేయడం వల్లనే తాను ప్రజల తరఫున పోరాడుతున్నానని ఆయన అన్నారు. రాష్ట్ర సమైక్యత కోసం ఎంతకైనా తెగిస్తానని ఆయన అన్నారు. తన రాజకీయ భవిష్యత్తును పట్టించుకోనని, రాష్ట్ర భవిష్యత్తు తనకు ప్రధానమని ఆయన అన్నారు. తెలంగాణ కావాలో, వద్దో ప్రజలు వచ్చే లోకసభ ఎన్నికల్లో తేలుస్తారని ఆయన అన్నారు. విభజన జరిగితే విద్య, నీరు వంటి వివిధ రంగాల్లో సమస్యలు వస్తాయని ఆయన అన్నారు. హైదరాబాద్ పెద్ద సమస్య అని ఆయన అన్నారు. భవిష్యత్తు కార్యాచరణ కోసం తాము సమావేశమవుతున్నట్లు ఆయన తెలిపారు. ఏది ఏమైనా రాష్ట్రాన్ని కాపాడుకుంటామని ఆయన అన్నారు. బిల్లును ప్రభుత్వానికి పంపవద్దని రాష్ట్రపతిని శాసనసభ కోరుతుందని ఆయన చెప్పారు. ప్రజల మనోభావాలను గౌరవించాలని ఆయన అన్నారు. కాంగ్రెసు పార్టీ ప్రజలకు దూరమైందని, తాను ప్రజల తరఫున నిలబడ్డానని ఆయన అన్నారు.

అక్కినేనికి ఎన్నారైల సంతాపం

డల్లాస్: పద్మవిభూషన్ అవార్డు గ్రహీత, నట సామ్రాట్ అక్కినేని నాగేశ్వరరావుకి తెలుగు అసోసియేషన్ ఆఫ్ నార్త్ అమెరికా (తానా) ఘన నివాళులర్పించింది. జనవరి 25న డల్లాస్‌లో సమావేశమైన తానా సభ్యులు, అమెరికాలోని అక్కినేని అభిమానులు ఆయన మృతి పట్ల తీవ్ర సంతాపం వ్యక్తం చేశారు. ఈ సందర్భంగా అక్కినేని నాగేశ్వరరావు(ఏఎన్నార్) సేవలను కొనియాడారు. తానా మాజీ అధ్యక్షుడు ప్రసాద్ తోటకూర మాట్లాడుతూ.. ఏఎన్నార్‌కి 2012లో తానా లైఫ్ టైమ్ అఛీవ్‌మెంట్ అవార్డును ప్రకటించిందని గుర్తు చేశారు. ఏఎన్నార్ 89వ జన్మదిన వేడుకల సందర్భంగా ఆయన జ్ఞాపకార్థం 89 నాణేలను విడుదల చేసినట్లు ప్రసాద్ తోటకూర తెలిపారు. భక్తవత్సలు ధామ, రవి కొండబోలు, హోస్టన్ తెలుగు అసోసియేషన్ మాజీ అధ్యక్షుడు శారద అకునూరిలు హాజరై ఏఎన్నార్‌కు నివాళులర్పించారు.


 2013, సెప్టెంబర్‌లో హైదరాబాద్‌లో జరిగిన అక్కినేని నాగేశ్వరరావు 90 జన్మదిన వేడుకల్లో పాల్గొని, ఆయన ఎదుట పాట పాడానని ఈ సందర్భంగా రవి గుర్తు చేశారు. ఈ కార్యక్రమంలో ఏఎన్నార్ అభిమానులు డాక్టర్ సిఆర్ రావు, డాక్టర్ శ్రీనివాస రెడ్డి ఆళ్ల, మురళీ వెన్నం, చలపతి రావు కొండ్రకుంట, రావు కల్వల, డా. విశ్వనాథం పులిగండ్ల, డా. సుధాకర్ రుమల్ల, సురేష్ వులువుల, కృష్ణప్రియా, సాయి సతీష్, డాక్టర్ ప్రశాంతి గణేశా, ప్రొ. జగదీశ్వరణ్, రేఖ పుదురు, శాంత పులిగండ్ల, రామకృష్ణారెడ్డి, అనుసూయ రెడ్డి, నర్సింహారెడ్డి ఉరిమిడి, సురేష్ మండువా, సుబ్బు జొన్నలగడ్డ, శారద సింగిరెడ్డి, సతీష్ పున్నం, డా. తారకుమార్ రెడ్డి, నసీం షేక్, కృష్ణ పుట్టపర్తి, వెంకట్ ముకులట్ల, హరి, సాంబ దొడ్డ, శ్రీకాంత్ పోలవరపు, దినేష్ త్రిపురనేని, శ్రీనివాసరావు, దామోదర్ రాయుడు, విజయ్ మోహన్ కకర్ల, డా. నవనీత కృష్ణ గొర్రెపాటి, సంధ్యా రెడ్డి గువ్వా, రామసూర్యారెడ్డి, అనంత పుజ్జురు, సతీష్ రెడ్డిలు పాల్గొని నట దిగ్గజానికి నివాళులర్పించారు. అక్కినేని ఫౌండేషన్ ఆఫ్ అమెరికాను ఏర్పాటు చేస్తున్నట్లు ప్రసాద్ తోటకూర ఈ సందర్భంగా తెలిపారు. అక్కినేనికి సంబంధించిన జీవిత విశేషాలను దీని ద్వారా ప్రచారం చేయనున్నట్లు చెప్పారు. విద్యా, న్యాయ, జర్నలిజం వంటి వివిధ రంగాల అభివృద్ధికి పాటుపడిన, ప్రతిభ కనబరిచిన వారికి ఫౌండేషన్ ద్వారా ఏఎన్నార్ అంతర్జాతీయ అవార్డులను ప్రతీ సంవత్సరం అందజేయనున్నట్లు తెలిపారు. తనతోపాటు రవి కొండబోలు, శ్రీనివాస రెడ్డి ఆళ్ల, భక్తవత్సలు ధామ, డా. రావు, శారద ఆకునూరి, మురళీ వెన్నం, రావు కల్వల, చలపతి రావు కొండ్రకుంట ఈ ఫౌండేషన్ బోర్డ్ డైరెక్టర్లుగా ఉండనున్నారని ప్రసాద్ తోటకూర తెలిపారు. కేంద్రం అందించే అత్యున్నత పౌర పురస్కారం భారతరత్నను అక్కినేని నాగేశ్వరరావుకి అందించేలా కృషి చేయాలని వారు ఆంధ్రప్రదేశ్ ప్రభుత్వానికి ఈ సందర్భంగా విజ్ఞప్తి చేశారు.

1 నేనొక్కడినే, ఎవడు... థర్డ్ వీకెండ్ కలెక్షన్స్

హైదరాబాద్: సంక్రాంతి పండగను పురస్కరించుకుని విడుదలైన ‘1 నేనొక్కడినే', ‘ఎవడు' చిత్రాలు మూడు వారాంతాలు పూర్తి చేసుకున్నాయి. మహేష్ బాబు నటించిన సైకలాజికల్ థ్రిల్లర్, రామ్ చరణ్ తేజ్ నటించిన యాక్షన్ డ్రామా చిత్రాలు రెండు గ్లోబల్ బక్సాఫీసు వద్ద భిన్నమైన పరిస్థితులు ఎదుర్కొన్నాయి. సుకుమార్ దర్శకత్వంలో వచ్చిన ‘1 నేనొక్కినే' చిత్రం జనవరి 10వ తేదీన రికార్డు స్థాయిలో అత్యధిక థియేటర్లలో ప్రపంచ వ్యాప్తంగా విడుదలైంది. తొలి రోజు ఈచిత్రం మంచి బిజినెస్ చేసినప్పటికీ నెగెటివ్ మౌత్ టాక్ రావడంతో క్రమక్రమంగా బాక్సాఫీసు వద్ద బిజినెస్ తగ్గుముఖం పట్టింది. తొలి 17 రోజుల్లో ‘1 నేనొక్కడినే' చిత్రం ఆంధ్రప్రదేశ్ బక్సాఫీసు వద్ద రూ. 22 కోట్లు, రెస్టాఫ్ ఇండియాలో రూ. 3.50 కోట్లు, ఓవర్సీస్‌లో 8 కోట్లు వసూలు చేసింది. టోటల్‌గా ఈచిత్రం వరల్డ్ వైడ్‌గా తొలి మూడు వారాంతాలు గడిచే నాటికి రూ. 33.50 కోట్లు వసూలు చేసింది. ఇక ‘ఎవడు' చిత్రం సంక్రాంతి సందర్భంగా జనవరి 12న గ్రాండ్‌గా విడుదలై రామ్ చరణ్ నటించిన సినిమాల్లో రికార్డ్ బ్రేకింగ్ కలెక్షన్లు సాధించిన చిత్రంగా నిలిచింది. సినిమాకు తొలి రోజు నుండే పాజిటివ్ టాక్ రావడంతో మంచి వసూళ్లు రాబట్టింది. తొలి 15 రోజుల్లో ఈ చిత్రం ప్రపంచ వ్యాప్తంగా ఏకంగా రూ. 42 కోట్లు వసూలు చేసింది. ‘1 నేనొక్కినే' చిత్రం బిజినెస్ రెండో వారంలోనే తగ్గుముఖం పట్టగా...ఎవడు చిత్రం కలెక్షన్లు మూడో వారంలోనూ బాగున్నాయి. ఈ నెల 31న నితిన్ నటించిన ‘హార్ట్ ఎటాక్', మోహన్ బాబు ఫ్యామిలీ మల్టీ స్టారర్ ‘పాండవులు పాండవులు తుమ్మెద' చిత్రాలు విడుదలవుతున్న నేపథ్యంలో ‘1 నేనొక్కడినే', ‘ఎవడు' చిత్రాల కలెక్షన్లపై ప్రభావం పడుతుందని టాలీవుడ్ ట్రేడ్ విశ్లేషకులు అంచనా వేస్తున్నారు.

ఇబ్బందే, నయనతో మాట్లాడితే నవ్వుతున్నారు: శింబు

చెన్నై: నయనతార, శింబు మరోసారి టాక్ ఆఫ్ ది టౌన్ అయ్యారు. ఈ సారి వారి పర్సనల్ విషయాల గురించి కాదు.....వారి ప్రొఫెషనల్ విషయాలు గురించి ఆసక్తికరమైన చర్చ సాగుతోంది. ఈ మాజీ ప్రేమికులు చాలా కాలం తర్వాత కలిసి నటిస్తున్న సంగతి తెలిసిందే. తమిళ దర్శకుడు పాండిరాజ్ దర్శకత్వంలో వీరు ఓ తమిళ సినిమాలో జోడీ కట్టారు. ప్రస్తుతం కలిసి నటిస్తున్న ఈ జంట షూటింగు సమయంలో ఇబ్బంది కర పరిస్థితులు ఎదుర్కొంటున్నారు. తమకు ఎలాంటి అనుభవాలు ఎదురవుతున్నాయో శింబు స్వయంగా వెల్లడించారు. ఆమెతో కలిసి పని చేయడం తనకు కంఫర్ట్‌గా ఉన్నప్పటికీ.....షూటింగు సమయంలో తమను చూసి యూనిట్ సభ్యులు నవ్వుతుండటం ఇబ్బంది కలిగిస్తోందని తెలిపాడు.

నేనెవరిని? ( ‘1’ నేనొక్కడినే రివ్యూ)

కొత్తగా ఎప్పుడు ఏం చెప్పినా తెలుగు ప్రేక్షకుడు చూస్తున్నాడు...సూపర్ హిట్ చేస్తున్నాడు. అలాగని కొత్త పేరు చెప్పి కథ విడిచి సాము చేస్తే మాత్రం నిర్విర్ధంగా తిరస్కరిస్తున్నాడు. ‘1' నేనొక్కడినే సినిమాలో దర్శకుడు కొత్తదనం కోసం(సాంకేతికంగా,జెనర్ పరంగా) చేసిన ప్రయత్నం మాత్రం తప్పకుండా మెచ్చుకోవాల్సిన అంశం. అయితే మహేష్ వంటి స్టార్ హీరోల సినిమాలంటే ఖచ్చితంగా వాటినుంచి ప్రేక్షకులు ఎక్సపెక్ట్ చేసే అంశాలు కొన్ని ఉంటాయి. వాటిని వదిలేయకుండా తనదైన శైలిలో కథను సుకుమార్ చెప్పే ప్రయత్నం చేస్తే బాగుండేదనిపిస్తుంది. అయితే థ్రిల్లర్ నేరేషన్ కావటంతో అది ...కమర్షియల్ హీరో కథలా..హీరోనే హైలెట్ చేస్తూ...కథనం నడపటం కష్టమైపోయింది. తెలుగు సినిమాకు తగినట్లు కథ,కథనంలో మరిన్ని జాగ్రత్తలు తీసుకుని సెకండాఫ్ ని సైతం ఫస్టాఫ్ లాగ స్పీడుగా రన్ నడిపితే ఖచ్చితంగా అంచనాలు అందుకునేది. అయితే మహేష్ మాత్రం తన నటనతో మైమరిపించాడనే చెప్పాలి. ఈ చిత్రానికి నేనొక్కడినే అని కాకుండా...నేనెవరిని అని పెడిగితే బాగుండేదనిపిస్తుంది. గౌతమ్(మహేష్)...చిన్నప్పుడే తల్లి తండ్రులను కోల్పోతాడు. తన తల్లి తండ్రులను ముగ్గురు చంపారని గుర్తుపెట్టుకుంటాడు..కాని వాళ్లు ఎవరు..ఎందుకు చంపారు అనేది మాత్రం తెలియకుండానే పెరిగి పెద్దవుతాడు. తన తల్లి తండ్రుల ముఖాలు మర్చిపోతాడు కానీ వారిని చంపిన వారిని మాత్రం ప్రతీ క్షణం తలుచుకుంటూ రాక్ స్టార్ గా ఎదుగుతాడు. ఎదుగుదలతో పాటు తన తల్లి తండ్రి ఎవరు అనే విషయం తెలుసుకోవాలనే కోరిక పెరిగి పెద్దవుతుంది...అంతేకాదు..వారిని చంపిన వారిపై పగ తీర్చుకోవాలనే నిర్ణయించుకుంటాడు. ఈ లోగా అతినిపై దాడులు మొదలువుతాయి..ఈ క్రమంలో గౌతమ్ తల్లి తండ్రులు ఎవరనేది ఎలా తెలుసుకున్నాడు..తన పగ ఎలా తీర్చుకున్నాడనేది మిగతా కథ. (థ్రిల్లర్ జానర్ లో వచ్చిన చిత్రం కావటంతో ఇంతకు మించి కథను రివిల్ చేస్తే చూడటం ఇబ్బందవుతుంది కాబట్టి...కథలో ఎలిమెంట్స్ ఏవీ రివిల్ చేయటం లేదు..) టెక్నికల్ గా సినిమా హాలీవుడ్ సినిమాల స్ధాయిలో హై స్టాండర్డ్స్ లో ఉండాలని సుకుమార్ ఫిక్సై తీసాడని మొదటి ఫ్రేమ్ నుంచే అర్దమవుతుంది. అయితే విభిన్నతే విజయానికి మూలం అని నమ్మిన సుకుమార్..ఇక్కడ మన వాళ్ల టేస్ట్ ఎందుకనో మర్చిపోయారు . ముఖ్యంగా ఇలాంటి కథలు ఏ ఇమేజీ లేని హీరోల మీద తీస్తే...చూడటానికి బాగుంటాయి. మహేష్ బాబు సినిమా అంటే కామెడీ, యాక్షన్,మోతిక్కించే పాటలు, జోష్ గా తెరపై చెలరేగే హీరో అని ఫిక్సయిన వారికి చూడటానికి ఇబ్బందిగానే ఉంటుంది. అందులోనూ హీరో ...ఎంతసేపు తన గతం తవ్వుకుంటూ, విలన్స్ నుంచి తనను తాను రక్షించుకుంటూ తిరగటమే సరిపోతుంది తప్ప..విలన్స్ కి ఎదురు ట్విస్ట్ లు ఇచ్చే ఎలిమెంట్స్ ఈ కథలో బాగా తక్కువ ఉన్నాయి. అసలు విలన్ ఎవరో తెలిస్తేనే కదా వారిపై దాడికి దిగేది ..అది క్లైమాక్స్ దాకా తెలియదు...అందులోనూ కథని థ్రిల్లింగ్ చెప్పాలనే తాపత్రయంలో కొంత కన్ఫూజన్ కి గురి అయ్యింది. ముఖ్యంగా ఇంటర్వెల్ దాటాక అయితే మరీను. ఫస్టాఫ్ ని ...ఎంతో పగడ్బందీగా నడిపిన దర్శకుడు సెకండాఫ్ ని ఆ ఫేజ్ లో రన్ చేయలేకపోయాడు.

ఉదయ్ కిరణ్ జీవితంలో నిజమైన.. 'ఆ నలుగురు'

తెలుగు సినీ పరిశ్రమ నిర్మించిన ఉత్తమ చిత్రాలలో 'ఆ నలుగురు' ఒకటి. అందులో ప్రధాన పాత్రధారి (రాజేంద్ర ప్రసాద్ పోషించారు) చనిపోయిన తర్వాత, ఆయన అంత్యక్రియలు చేయడానికి కన్న కొడుకులు కూడా దగ్గర లేని పరిస్థితిలో... ఊరంతా తామున్నామంటూ వస్తుంది. ఈ సన్నివేశం ప్రేక్షకులను ఊపిరి బిగబట్టేలా చేస్తుంది. ఇదంతా ఎందుకు చెప్పాల్సి వచ్చిందంటే, ఉదయ్ కిరణ్ నిజజీవితంలో ఇదే జరిగింది. అందరూ కాలేజి ఎగ్గొట్టి సినిమాలు చూసే వయసులోనే ఉదయ్ కిరణ్ సినీ హీరోగా అంతులేని స్టార్ డమ్ ను సొంతం చేసుకున్నాడు. హిట్ మీద హిట్ కొడుతూ దూసుకుపోయాడు. కానీ, తలరాతో లేక దాసరి నారాయణ రావు చెప్పినట్టు కొన్న శక్తుల ప్రోద్బలమో కానీ, ఉదయ్ కిరణ్ చిన్న వయసులోనే ఆత్మహత్యకు పాల్పడ్డాడు. ఉదయ్ మరణ వార్త విన్న యావత్ ఆంధ్రదేశం ఒక్క సారిగా షాక్ కు గురయింది.

అయ్యో పాపం అన్న వారే తప్పితే, మరో కామెంట్ ఎవరూ చేయలేకపోయారు. మరో విషాదమేంటంటే, ఉదయ్ మరణించినప్పుడు అతని పక్కన నా అన్న వారు కూడా లేకపోవడం. ఉదయ్ మరణ వార్త వినగానే శ్రీకాంత్, శివాజీ రాజా లాంటి నటులు కొంత మంది ఆయన నివాసం వద్దకు వచ్చారు. కానీ, మేమంతా ఒకే కుటుంబం అని చెప్పుకునే సినీ పరిశ్రమ పెద్దలు ఒక్కరంటే ఒక్కరూ రాలేదు. ఇది రాష్ట్ర వ్యాప్తంగా సంచలనం రేకెత్తించింది. ఉదయ్ కు తల్లి లేదు, అన్న లేడు, సొంత తండ్రి చాలా కాలం నుంచి దూరంగా ఉంటున్నాడు. ఈ పరిస్థితుల్లో ఉదయ్ అనాథ శవంలా మిగిలిపోయాడు. ఆయన అంత్యక్రియలు ఎలా జరుగుతాయో అన్న సందేహాలు అందర్లోనూ వెల్లువెత్తాయి. ఈ పరిస్థితుల్లో సొంత మనుషులు లేకపోతే ఏంటి, మేమున్నామంటూ ఆయన అభిమానులు తరలి వచ్చారు. ఆయన నివాసం వద్ద, ఫిల్మ్ ఛాంబర్ వద్ద, చివరకు అంత్యక్రియల సమయంలోనూ... మేమే నీ ఆత్మీయులం అంటూ వీడ్కోలు పలికారు. అభిమానుల రాకతో ఎర్రగడ్డ శ్మశానవాటిక ఇసుక వేస్తే రాలనంతగా నిండిపోయింది. చూశారా... ఆ నలుగురు సినిమాలో చూసిన సన్నివేశం ఉదయ్ జీవితంలో ఎలా నిజమయిందో. కల్మషం లేని చిరునవ్వే కాదు... అంతకన్నా గొప్ప వాడు ఉదయ్ కిరణ్. అందుకే బతికున్న రోజుల్లో ఒంటరి తనాన్ని ఫీలైనా... చనిపోయిన తర్వాత అంతమంది ఆప్యాయతల్ని, అనురాగాలనూ తనతో తీసుకెళ్లారు.

Uday kiran producer shocking statement on chiranjeevi