Rare Photos of Sachin Tendulkar

మీడియా రంగంలో మరో సంచలనానికి రెడీ అవుతున్న చిరంజీవి !

ప్రస్తుతం రాష్ట్ర రాజకీయాలలో ప్రతి ప్రముఖ రాజకీయ నాయకుడి వెనుక ఒకో ఛానల్ దన్నుగా పనిచేస్తోంది అన్న విషయం ఓపెన్ సీక్రెట్. ఇప్పటి వరకు మా నెట్ వర్క్ ఎంటర్ టైన్మెంట్ చానల్ లో తనపట్టును నిలుపుకున్న మెగా పొలిటికల్ స్టార్ చిరంజీవి ఒక న్యూస్ ఛానల్ ఏర్పాటు వైపు అడుగులు వేస్తున్నట్లు గా వార్తలు వస్తున్నాయి. తెలుస్తున్న సమాచారం ప్రకారం చిరంజీవి తులసి సీడ్స్ అధినేత తులసి రామచంద్ర ప్రభుతో కలిసి ఒక న్యూస్ చానల్ ఏర్పాటు చేయడానికి అన్ని ఏర్పాట్లు పూర్తి చేసాడు అని అంటున్నారు. చిరంజీవి ప్రజారాజ్యం పార్టీ పెట్టిన రోజులలో తులసి సీడ్స్ రామచంద్ర గుంటూరు జిల్లలో ప్రస్తుత మంత్రి కన్నా లక్ష్మీనారాయణ తో పోటి చేసి ఒడి పోయారు.

 చిరంజీవి అంటే విపరీతమైన అభిమానం ఉన్న రామచంద్ర ప్రస్తుతం చిరంజీవితో కలిసి కాంగ్రెస్ పార్టీలో కోసగుతున్నారు. మద్రాస్ ఐ .ఐ . టి . లో మేకానికల్ ఇంజనీరింగ్ చేసిన రామచంద్రకు చిరంజీవితో కలిసే న్యూస్ ఛానల్ పెట్టాలన్న కోరిక ఎప్పటి నుంచో ఉందట. ప్రస్తుతం రాష్ట్రంలో 19 న్యూస్ చానెల్స్ ఉన్న నేపధ్యం లో ఈ న్యూస్ ఛానల్ ను చాలా వినూత్నంగా తీర్చిదిద్దాలని చిరంజీవి ఆలోచనలు చేస్తున్నట్లు సమాచారం. ఈ ఛానల్ రాబోయే జనవరి 26 నుండి ప్రారంభం అవుతుందని టాక్. చిరంజీవి రాజకీయ భవిష్యత్ కు ఈ ఛానల్ ఎంత వరకు ఉపకరిస్తోందో చూడాలి.

చివరాఖరి టెస్టు: వాంఖడేలో సచిన్ ఇలా (పిక్చర్స్)

నా కూతురు ని తలచుకుంటేనే భయమేస్తోంది: సూర్య

చెన్నై : 'భవిష్యత్తు సమాజంలో నా కుమార్తెను వూహిస్తేనే భయమేస్తోంద'ని తమిళ స్టార్‌ హీరో సూర్య ఆందోళన వ్యక్తం చేశారు. మహిళలపై జరుగుతున్న అత్యాచారాలకు వ్యతిరేకంగా తమిళంలో తెరకెక్కిన 'మాలిని 22 పాలయం' చిత్ర ఆడియో వేడుకలో ఆయన పాల్గొన్నారు. ప్రస్తుత నేరాలను ప్రస్తావిస్తూ... భవిష్యత్తులో తన కుమార్తె పరిస్థితిని సమాజపరంగా ఊహిస్తేనే శరీరం భయంతో కంపించిపోతోందన్నారు. ఇప్పటి పరిస్థితుల ఆధారంగా మున్ముందు ఈ ప్రభావం మరెంత తీవ్రంగా ఉంటుందోనని ఆందోళన చెందుతున్నట్లు పేర్కొన్నారు. ఈ సినిమాలో చూపించిన విషయాలు సమాజంలోని నిజ దృశ్యాలుగా కనిపిస్తున్నాయని ఆవేదన వ్యక్తం చేశారు.


ఇక 'మాలిని 22 పాలయం' చిత్రానికి నటి శ్రీప్రియ దర్శకత్వం వహిస్తున్నారు. నిత్యామీనన్ ప్రధాన పాత్రలో చేసిన ఈ చిత్రాన్ని తెలుగులో పాటు తమిళంలోనూ విడదుల చేస్తున్నారు. తమిళంలో ఈచిత్రాన్ని ‘22 మాలిని పాళయం కోట్టై' పేరుతో విడుదల చేయనున్నారు. ఇది మహిళలపై బలాత్కారం ఇతివృత్తంతో తెరకెక్కుతున్న చిత్రం అని తెలుస్తోంది. 2012లో మళయాలంలో వచ్చిన ‘22 ఫిమేల్ కొట్టాయం' చిత్రానికి ఇది రీమేక్. ప్రస్తుతం దేశంలో స్త్రీలపై అత్యాచారాలు పెరిగిపోతున్న నేపథ్యంలో....ఈ చిత్రం ఒక సందేశాత్మకంగా, మేలుకొలుపుగా ఉంటుందని అంటున్నారు. ఇప్పటి వరకు చేసిన సినిమాలకు భిన్నమైన కథాంశం కావడంతో ఇది తన కెరీర్‌కు ప్లస్సవుతుందని నిత్యామీనన్ ఆశిస్తోంది. ప్రస్తుతం ఈచిత్రం షూటింగ్ చివరి దశలో ఉంది.

సచిన్ కోసం కామెంటేటర్‌గా మారిన మిస్టర్ పర్‌ఫెక్ట్!

మాస్టర్ బ్లాస్టర్ సచిన్ టెండూల్కర్ వీరాభిమానుల్లో ఒకరైన బాలీవుడ్ మిస్టర్ పర్‌ఫెక్షనిస్ట్ అమీర్ ఖాన్ సచిన ఆడుతున్న 200వ టెస్టు, చివరి టెస్టు మ్యాచ్ చూసేందుకు ఈ రోజు ముంబైలోని వాంఖడే స్టేడియంకు చేరుకున్నారు. కేవలం మ్యాచ్ చూడటం మాత్రమే కాదు....కామెంట్రీ బాక్సులో కూర్చుని కామెంటేటర్‌గా మారాడు అమీర్ ఖాన్. మైక్ అందుకున్న అమీర్ ఖాన్...ఇండియన్ క్రికెట్‌గాడ్‌ను పొగడ్తలతో ముంచెత్తాడు. త్వరలో ‘ధూమ్-3' చిత్రం ప్రేక్షకుల ముందుకు రాబోతున్న అమీర్ ఖాన్....ఇటీవల విడుదలైన తన సినిమా సాంగ్ ‘ధూమ్ మచాలే'ను సచిన్‌కు అంకితం చేసిన సంగతి తెలిసిందే. అమీర్ లాంటి స్టార్ కామెంటేటర్‌గా మారడంతో సర్వత్రా ఆసక్తి నెలకొంది.

 చాలా ఏళ్ల నుంచి అమీర్ ఖాన్, సచిన్ టెండూల్కర్ మధ్య మంచి స్నేహ బంధం ఉంది. సచిన్ గురించి అమీర్ ఖాన్ మాట్లాడుతూ...సచిన్ కేవలం గొప్ప ఆటగాడు మాత్రమే కాదు, గొప్ప వ్యక్తిత్వం ఉన్న మనిషి. ఆయన తన ఆటతో దేశ కీర్తి ప్రతిష్టలు పెంచాడు. కోట్లాది మంది భారతీయులకు ఆదర్శంగా నిలిచాడు' వ్యాఖ్యానించారు. ‘సచిన్ లాంటి స్టార్ ప్లేయర్ రిటైర్మెంట్ అంటే క్రికెట్ అభిమానులకు వెలితిగా ఉండటం సహజమే. కానీ సచిన్ చివరి మ్యాచ్‌ను అభిమానులంతా ఎంతో ఎంజాయ్ చేస్తున్నారు' అని అమీర్ ఖాన్‌ను అన్నారు. సచిన్ లాస్ట్ ఇన్నింగ్స్ బెస్ట్‌గా ఉండాలని ఆకాక్షించాడు. సచిన్‌కు తాను అభిమానిని అని ఎంతో గొప్పగా చెప్పుకుంటూ మురిసిపోయాడు ఈ మిస్టర్ పర్‌ఫెక్షనిస్ట్!

హీరో నాని పై సెటైర్లు వేసిన చంద్రబాబు !

ఎప్పుడు చాలా సీరియస్ గా ఉండే తెలుగు దేశం అధినేత చంద్రబాబు తన పద్ధతి మార్చి నవ్వుతు నిన్న జరిగిన ‘ప్రతినిధి’ ఆడియో వేడుకలో అందరిపైన సెటైర్లు వేయడం నిన్న ఆ కర్యక్రమానికి వచ్చిన చాలామందిని ఆశ్చర్య పరిచింది. ఇక వివరాలలోకి వెళితే హీరో నాని నిన్న జరిగిన కార్యక్రమంలో మాట్లాడుతూ తనకు ఈ సినిమా దర్శకుడు ప్రవీణ్ మంచి స్నేహితుడని చెపుతూ తామిద్దరం గతంలో సనత్ నగర్ లో రైల్వే ట్రాక్ పక్కన కుర్చుని చాలా కబుర్లూ, కధలూ చెప్పుకున్నామని అంటూ అలాంటి స్నేహితుడు ప్రవీణ్ మొదటిసారిగా దర్శకత్వం వహిస్తున్నాడు కాబట్టి అతదికోసమే ఈ ఆడియో వేడుకకు వచ్చానని చెపుతూ తన స్నేహితుడు ప్రవీణ్ ఫస్ట్ టైమ్ పెళ్ళి చేసుకోబోతున్నాడని వ్యాఖ్యానించాడు.


 దీనికి నానీ పక్కన కూర్చున్న చంద్రబాబునాయుడు నవ్వుతూ స్పందిస్తూ పెళ్లి అనేది జీవితంలో ఒక్కసారే అలాంటిది ఫస్ట్‌టైమ్‌ పెండ్లి చేసుకోబోతున్నాడని హీరో నాని అనడం ఆశ్చర్యంగా ఉందని నారాచంద్రబాబునాయుడు అన్నారు. ప్రపంచంలోనే భారతదేశం కుటుంబ విలువలు అందరు గౌరవిస్తారని అని అంటూ అలాంటి విలువలను తాను గౌరవిస్తాను అని అంటు అమెరికాలో 18 ఏళ్ళకే ఇంటి నుంచి వెళ్ళిపోతారు. ఎప్పుడోగానీ, తల్లిదండ్రుల్ని చూడడానికి రారు. అక్కడ భార్య, భర్త విడివిడిగానూ ఉంటారు. 'అవర్‌ చిల్డ్రన్‌. యువర్‌ చిల్డ్రన్‌ ఈజ్‌ మై చిల్డ్రన్‌' అనేది అక్కడ పాలసీ. కానీ మనది విలువలగల దేశం. దాన్ని మనం కాపాడాలి అని అంటు తాను ఎప్పుడూ విలువలకు గౌరవం ఇస్తా అని చెపుతూ ప్రస్తుత యువతరం కూడా అలాగే ఉండాలని సూచిస్తూ ఫస్ట్ మేరేజ్, సెకండ్ మేరేజ్ అనే పదాలు వాడద్దని హీరో నానీకి చంద్రబాబు చురక అంటించారు దీనితో నాని ఆ మాటలు తత్తరపాటుతో అలా అన్నానని చంద్రబాబుకు వివరణ ఇచ్చు కున్నాడు. ఈ మాటలు విన్న వారంతా ఆనందంగా నవ్వుకున్నారు.

వోల్వోలో ప్రయాణం అంటేనే హడల్!

వోల్వో బస్సులో ప్రయాణమంటే ప్రయాణికులు భయపడే పరిస్థితి ఏర్పడింది. మహబూబ్ నగర్ జిల్లా పాలెం వద్ద ఓల్వో బస్సు దుర్ఘటన మరువక ముందే కర్నాటకలోని హవేరి జిల్లా కునిమళ్లహళ్లి వద్ద ఈ తెల్లవారుజామున మరో వోల్వో బస్సు ప్రమాదానికి గురైంది. ఈ బస్సులో మంటలు లేచాయంటే క్షణాల్లో పూర్తిగా దగ్ధమైపోతుంది. వోల్వో బస్సు ప్రమాదానికి గురైందంటే ప్రాణాలపై ఆశలు వదులుకోవలసిందే.


 బెంగళూరు నుంచి ముంబై వెళుతున్న నేషనల్ ట్రావెల్ కు చెందిన వోల్వో బస్సు ఈ తెల్లవారుజామున ప్రమాదానికి గురై కాలి బూడిదైపోయింది. ఏడుగురు సజీవ దహనం అయ్యారు. 20 మంది గాయపడ్డారు. గాయపడినవారిలో ఆరుగురి పరిస్థితి విషమంగా ఉంది. మృతుల సంఖ్య ఇంకా పెరిగే అవకాశం ఉందని అంటున్నారు. మృతులలో ఒకరిని ముంబైకి చెందిన శ్రీరామ్ గా గుర్తించారు. బెంగళూరుకు చెందిన భార్య,భర్త, ఇద్దరు పిల్లలు సజీవదహనం అయ్యారు. ఈ ప్రమాదంలో తన పాస్ పోర్టు, డాక్యుమెంట్లు కాలిపోయాయని దక్షిణాఫ్రికాకు చెందిన బ్రైట్ అనే ప్రయాణికుడు వాపోతున్నారు. ప్రమాదానికి గురైన ఈ బస్సును గత సంవత్సరమే కొనుగోలు చేశారు. ప్రమాద వార్త తెలిసిన వెంటనే హవేరీ జిల్లా ఎస్ పి శశికుమార్ సహాయ కార్యక్రమాలు చేపట్టారు.

సినిమా రివ్యూ: వెంకటేశ్, రామ్ బ్రాండ్ 'మసాలా'

తెలుగు చలన చిత్ర పరిశ్రమ చరిత్రలో మహానటులు ఎన్ టీఆర్, ఏఎన్నాఆర్, శోభన్ బాబులు కృష్ణ, కృష్టం రాజులతో కలిసి అనేక మల్టీ స్టారర్ చిత్రాలతో ప్రేక్షకులను ఆలరించారు. జనరేషన్ మారిన తర్వాత స్టార్ డమ్ ఇమేజ్ లో చిక్కుకుపోయిన ప్రస్తుత హీరోలు మల్టీస్టారర్ చిత్రాలవైపు చూడటానికి జంకారు, ఆలోచించడానికి వెనకడుగు వేశారు. టాలీవుడ్ తెరపై మల్టీ స్టారర్ చిత్రాల ఉనికి ప్రశ్నార్ధకమైన నేపథ్యంలో తాజాగా విక్టరీ వెంకటేశ్ ఓ సాహోసోపేతమైన నిర్ణయం తీసుకున్నారు. దాని ఫలితమే మహేశ్ తో కలిసి వెంకటేశ్ నటించిన 'సీతమ్మ వాకిట్లో సిరిమల్లె చెట్టు'. ఆ చిత్రం అందించిన విజయోత్సహాంతో మళ్లీ రామ్ తో జతకట్టి 'మసాలా' చిత్రంలో నటించగా, రాంచరణ్ తో వెంకటేశ్ మరో చిత్రానికి పచ్చజెండా ఊపారు. టాలీవుడ్ లో సరికొత్త ట్రెండ్ కు తెరతీస్తూ.. హిందీలో ఘనవిజయం సాధించిన 'బోల్ బచ్చన్' చిత్ర రీమేక్ గా 'మసాలా'తో వెంకటేశ్ గురువారం నవంబర్ 14 తేదిన ప్రేక్షకుల ముందుకు వచ్చారు. రామ్ తో కలిసి నటించిన మసాలా చిత్రం తెలుగు ప్రేక్షకులను మెప్పించిందా అనే విషయాన్ని తెలుసుకోవాలంటే ముందు కథలోకి వెళ్లొద్దాం!


 కోర్టు తీర్పుతో యావదాస్తిని కోల్పోయిన రహమాన్ (రామ్), సోనియా(అంజలీ)లను తన తండ్రి స్నేహితుడు నారాయణ(ఎంఎస్ నారాయణ) చేరదీసి తన ఊరు భీమరాజపురంకి తీసుకెళుతాడు. భీమరాజపురంలో ధనవంతుడైన బలరాం వద్ద నారాయణ పనిచేస్తుంటాడు. బలరాం (వెంకటేశ్) దేనినైనా సహిస్తాడు కాని అబద్దం ఆడిన వాళ్ల ప్రాణలు తీయడానికైనా వెనుకాడడు. బలరాంకు మీనాక్షి అనే సోదరి ( షాజన్ పదాంసీ) ఉంటుంది. ఆ ఊరిలో బలరాంకు నాగరాజు (పోసాని) అనే దుష్టుడికి పచ్చగడ్డి వేస్తే భగ్గుమనే స్ఠాయిలో విభేదాలు ఉంటాయి. వారిద్దరి మధ్య ఉన్న విభేదాల కారణంగా ఎన్నో ఏళ్లుగా ఓ ఆలయం మూతపడి ఉంటుంది. అయితే ఆ ఆలయ కొలనులో పడిన బాలుడిని రక్షించడానికి రెహమాన్ గుడి తాళం పగులగొట్టి, తలుపులు తెరుస్తాడు. దాంతో రహమాన్ పై నాగరాజు దాడికి పాల్పడుతున్న సమయంలో బలరాం వచ్చి కాపాడుతాడు. గుడి తలుపులు తెరిచిన రహమాన్ వివరాలు బలరాం అడుగుతాడు. ఆలయ తలుపులు తీసింది ఓ ముస్లిం అని చెబితే గొడవ అవుతుందనే ఉద్దేశంతో రహమాన్ పేరును రామ్ అని నారాయణ బృందం అబద్దం ఆడుతారు. రహమాన్ ఉరఫ్ రామ్ ప్రవర్తన నచ్చి బలరాం ఉద్యోగం ఇస్తాడు. ఒక అబద్దం ఆడిన రామ్.. దాన్ని కప్పిపుచ్చుకోవడానికి మరిన్ని అబద్దాలు ఆడాల్సి వస్తుంది. అంతేకాక రహమాన్, మీనాక్షిలు ఒకరికొకరు ప్రేమించుకుంటారు. అయితే అనేక అబద్దాలు ఆడిన రామ్.. బలరాంను ఎలా మెప్పించి, మీనాక్షితో పెళ్లిని ఎలా ఒప్పించాడు అనే సాదాసీదా కథతో 'మసాలా' చిత్రం రూపొందింది. వెంకటేష్ బ్రోకెన్ ఇంగ్లీష్ లో మాట్లాడటం బలరాం పాత్ర ప్రత్యేకత. కెరీర్ లో వెంకటేశ్ కు ఇది విభిన్నమైన పాత్ర. మల్టీస్టారర్ చిత్రాల్లో ఉండే పరిమితులు, ఇతర కారణాల వల్ల బలారాం పాత్ర కొంత మూసలో సాగినా.. పర్వాలేదనిపించింది. బలరాం పాత్ర చుట్టే ఇతర పాత్రలు తిరుగుతుంటాయి కాబట్టి వెంకటేశ్ ఈ చిత్రానికి వెన్నుముక అని చెప్పవచ్చు. ఇక రామ్, రహమన్ రెండు రకాల పాత్రలతో రామ్ ప్రేక్షకులను ఆలరించాడమే కాకుండా ఆకర్షించాడు కూడా. రామ్ పాత్ర కొంత అమాయకంగా ఉంటుంది. రహమాన్ గే (స్వలింగ సంపర్కుడు) రూపంతో నవ్వులు పూయించాడు.


 రామ్ లో ఉండే ఎనర్జీ గే పాత్రకు చాలా ప్లస్ అయింది. గే పాత్ర పోషించడానికి స్టార్స్ సహజంగానే వెనుకాడుతుంటారు. అయితే రామ్ ఇలాంటి పాత్రను చేయడమనేది ఓ సాహాసామే అని చెప్పవచ్చు. సోనియా పాత్రలో అంజలి తన పరిధి మేరకు ఓకే అనిపించింది కాని ఈ చిత్రంపై పెద్దగా ప్రభావం చూపించలేకపోయింది. మీనాక్షిగా పదాంసీ చిన్న చిన్న సీన్లలో కనిపించినా.. పాటలకు మాత్రమే పరిమితమైంది. మీనాక్షి పాత్రకు ఇంకెవర్నినైనా సెలెక్ట్ చేసి ఉంటే బాగుండేదేమో అనిపిస్తుంది. ఈ చిత్రంలో ముఖ్యంగా చెప్పుకోవాల్సింది నారాయణ, ఆలీ బృందం గురించి. నారాయణ కొడుకుగా ఆలీ నటించాడు. ఆలీ మసాలా అనే డ్రామా కంపెనీని నడుపుతుంటాడు. కామెడి, డ్రామా నేపథ్యంలో సాగే ఈ చిత్రంలో ఆలీ ట్రాక్ ను తెలుగు వాతవరణానికి అనుగుణంగా చక్కగా డిజైన్ చేశారు. హిందీ 'బోల్ బచ్చన్' పోల్చకుంటే కృష్ణ, ఏఎన్నార్ కారెక్టర్లను బాగా ఇంప్రూవ్ చేసి ఆలీతో చేయించడం ఆకట్టుకుంది. అంతేకాక చింతామణి పాత్రలో కోవై సరళ తన మార్కును నిలబెట్టుకుంది. పాత సినిమాల్లోని ఐటమ్ సాంగ్స్ కు కోవై సరళతో డ్యాన్సులు చేయించడం ప్రేక్షకులను కడుపుబ్బ నవ్వించింది. జయప్రకాశ్, పోసానిలకు రొటిన్ పాత్రలే దక్కాయి.


 మీనాక్షి పాట ఒక్కటే థియేటర్ నుంచి బయటకు వచ్చిన తర్వాత గుర్తుండేలా ఉంది. ఎందుకంటే ప్రోమోలో ఎక్కువగా కనిపించడమేమో. తమన్ మళ్లీ అదే సంగీతం రొటిన్. తమన్ సంగీతం ఈ చిత్రానికి ప్లస్ అని చెప్పడం చాలా కష్టం. అనిల్ డైలాగ్స్ అక్కడక్కడ పేలాయి. ఇక 'నువ్వే కావాలి', 'నువ్వు నాకు నచ్చావు', 'మన్మధుడు' 'మల్లీశ్వరి' లాంటి ఫ్యామీలీ ఎంటర్ టైనర్లతో తెలుగు ప్రేక్షకులను ఆకట్టుకున్నదర్శకుడు విజయ భాస్కర్ ను ఇటీవల కాలంలో ఫ్లాప్ లు వెంటాడుతున్నాయి. చాలా కాలం తర్వాత 'బోల్ బచ్చన్' రీమేక్ తో అక్కడక్కడా తన మార్కును చూపించినా.. ప్రయోగాలకు దూరంగానే ఉన్నట్టు కనిపించింది. బోల్ బచ్చన్ సినిమాను సీన్ టూ సీన్ ను కదపకుండా.. టాలీవుడ్ ట్రెండ్ కు తగినట్టుగా రూపొందించారు. ఈ చిత్ర సెకండాఫ్ లో కొంత గందరగోళం అనిపించానా.. రామ్ ఎనర్జిటిక్ పెర్ఫార్మెన్స్ బ్యాలెన్స్ చేసింది. వెంకటేశ్ ఇంగ్లీష్ డైలాగ్స్ బీ, సీ ఆడియెన్స్ ను ఆకట్టుకోవడంపైనే 'మసాలా' చిత్ర విజయం కొంత ఆధారపడి ఉంటుంది. వెంకటేశ్, రామ్ అందించిన 'మసాలా' చిత్రంలో ఘాటు ఎక్కువైందనిపిస్తుంది. లాజిక్కులన్ని వదిలేసి.. వినోదాన్ని ఆశించే ప్రేక్షకులు మసాలాను ఎంజాయ్ చేయవచ్చు అనే రేంజ్ టాక్ ను సంపాదించుకుంది. వెంకట్రామ్ (వెంకటేశ్, రామ్) బ్రాండ్ మసాలాను ప్రేక్షకులు ఎలా ఆదరిస్తారో వేచిచూద్దాం!